Slökkviskjóla notuð við slökkvistörf
4.5.2021 Kl: 11:12
Áhöfnin á TF-EIR, þyrlu Landhelgisgæslunnar, aðstoðaði Slökkvilið höfuðborgarsvæðisins við slökkvistörf í Heiðmörk í dag. Slökkviðliðið óskaði eftir aðkomu þyrlu Landhelgisgæslunnar með slökkviskjólu sem gjarnan er notuð þegar gróðureldar kvikna.
Skjólan tekur 1660 lítra af vatni og var fyllt sautján sinnum, tvisvar í Vífilsstaðavatni og fimmtán sinnum, í Elliðavatni.
Vatnið var losað á mismunandi stöðum í samvinnu við aðgerðastjórn og Slökkvilið höfuðborgarsvæðisins.
Þetta var í annað sinn á þremur dögum sem þyrlusveitin aðstoðaði Slökkvilið höfuðborgarsvæðisins vegna gróðurelda.
Heiðmörk í dag.
