Þyrlusveitin æfði með áhöfn Van Amstel
Áhafnirnar æfðu leit og björgun.
11.5.2023 Kl: 12:52
Þyrlusveit Landhelgisgæslunnar hélt sameiginlega æfingu með áhöfn hollenska herskipsins Van Amstel vestur af landinu í vikunni. Van Amstel tilheyrir fastaflota Atlantshafsbandalagsins sem hafði viðkomu hér á landi á dögunum.
Áhafnirnar æfðu saman leit og björgun en hífingar fóru fram við þyrlupall skipsins. Að æfingunni lokinni fór hluti þyrlusveitar Landhelgisgæslunnar um borð í NH-90 þyrlu Van Amstel sem flaug til Reykjavíkur og lenti við flugskýli Landhelgisgæslunnar. Þar gafst hollensku áhöfninni tækifæri á að kynnast starfsemi Landhelgisgæslu Íslands.
Auðunn F. Kristinsson, framkvæmdastjóri aðgerðasviðs, Bjarni Ágúst Sigurðsson, flugrekstrarstjóri, Hallbjörg Erla Fjeldsted, varðstjóri í stjórnstöð Landhelgisgæslunnar og hluti þyrlusveitar tóku á móti hópnum í flugskýli LHG á Reykjavíkurflugvelli.
Tómas Vilhjálmsson, spilmaður, og Kolbeinn Guðmundsson, sigmaður, um borð í þyrlu Landhelgisgæslunnar.
Í flugskýli Landhelgisgæslunnar.
Börur látnar síga úr TF-GRO, þyrlu Landhelgisgæslunnar.
Um borð í Van Amstel.