Varaforseti Bandaríkjanna heimsótti Landhelgisgæsluna
Georg Kr. Lárusson, forstjóri Landhelgisgæslunnar, tók á móti Mike Pence við komuna til landsins.
4.9.2019 Kl: 21:35
Georg Kr. Lárusson, forstjóri Landhelgisgæslunnar, var meðal þeirra sem tóku á móti Mike Pence, varaforseta Bandaríkjanna við komuna til landsins í dag en hluti heimsóknarinnar fór einmitt fram á öryggissvæði LHG í Keflavík. Varaforsetinn heimsótti meðal annars stjórnstöð Atlantshafsbandalagsins á Keflavíkurflugvelli sem rekin er af Landhelgisgæslu Íslands.
Þá hitti varaforsetinn Katrínu Jakobsdóttur, forsætisráðherra, á fundi í húsi LHG áður en hann hélt af landi brott á níunda tímanum í kvöld.
Séraðgerða- og sprengjueyðingardeild kom að öryggisgæslu, áhöfnin á TF-EIR var með viðbúnað úr lofti og varðbáturinn Óðinn var til taks við Höfða svo fátt eitt sé nefnt.
Að auki hafði starfsfólk Gæslunnar á Keflavíkurflugvelli í mörg horn að líta vegna komu varaforsetans.
Ljósmyndari: Gassi
Georg Kr. Lárusson og Mike Pence
Mike Pence tekur í hönd Jóns B. Guðnasonar, framkvæmdastjóra varnarmálasviðs LHG.
Bílalest Pence fyrir utan stjórnstöð Atlantshafsbandalagsins á Keflavíkurflugvelli.
Georg Kr. Lárusson, Mike Pence og Jón B. Guðnason ræða um varnarsamstarfið.
Georg Kr. Lárusson, forstjóri Landhelgisgæslunnar. 
Katrín Jakobsdóttir, forsætisráðherra með starfsmönnum Landhelgisgæslunnar og forsætisráðuneytisins.