-14 íslensk skip á svæðinu í upphafi síðustu viku.
Varðskipið Týr hefur undanfarna daga verið við eftirlit í
Síldarsmugunni en þangað hélt áhöfn Týs á fimmtudaginn. Þegar mest var voru
fjórtán íslensk uppsjávarskip á svæðinu í byrjun síðustu viku en í morgun voru
þau orðin sjö.
Alls voru 27 skip auðkennd á slóðinni og reyndust þau öll
hafa gild leyfi til veiða. Varðskipsmenn héldu til eftirlits í eitt íslenskt
uppsjávarskip um helgina og þar var allt með besta móti. Aflabrögð
skipanna voru ekki góð og því voru flest þeirra farin á ferðina að leita þegar
varðskipið Týr yfirgaf svæðið í gærkvöld. Skipin voru á veiðum um 300 sjómílur austur
af landinu.
Nokkur ár eru síðan íslenskt varðskip var síðast við
eftirlit í Síldarsmugunni. Landhelgisgæslan hefur alþjóðlegum eftirlitsskyldum
að gegna á svæðinu sem aðili að Norðaustur-Atlantshafsfiskveiðiráðinu (NEAFC).
Áhöfnin á Tý á leið til eftirlits.
Nokkur ár eru síðan íslenskt varðskip var við eftirlit í Síldarsmugunni.
Landhelgisgæslan hefur alþjóðlegum eftirlitsskyldum að gegna á svæðinu sem aðili að Norðaustur-Atlantshafsfiskveiðiráðinu (NEAFC).
