Veikur skipverji sóttur af þyrlu LHG

Beiðni um aðstoð barst frá erlendu herskipi sem statt var austur af landinu.

23.8.2021 Kl: 16:43

Þyrlusveit Landhelgisgæslunnar var kölluð út laust fyrir klukkan átta í morgun vegna veikinda um borð í erlendu herskipi sem statt var rúmar tuttugu sjómílur austur af Vattarnesi. Skipið var á hefðbundinni siglingu austur af landinu þegar beiðni um aðstoð barst stjórnstöð Landhelgisgæslunnar. Skipið var í um fimm sjómílur undan landi þegar hífingar hófust við krefjandi aðstæður. Mikil þoka var á svæðinu og skyggni lítið. Hífingar gengu afar vel og var skipverjanum komið undir læknishendur í Reykjavík. 

Frá hífingum í morgun.