Vinna við Jón Hákon gengur samkvæmt áætlun
Landhelgisgæslan og rannsóknarnefnd samgönguslysa ásamt Árna Kópssyni kafara vinna nú að því að ná fiskiskipinu Jóni Hákoni á flot, en Jón Hákon sökk við utanvert Ísafjarðardjúp síðastliðið sumar. Aðgerðir hófust síðastliðinn föstudag og hefur flakinu af Jóni Hákoni nú verið lyft upp á 15 metra dýpi þar sem hægt er að vinna við skipið með köfurum.
Verkefnið er á forsjá rannsóknarnefndar samgönguslysa og gengur samkvæmt áætlun. Að verkinu koma varðskipið Þór, sjómælingabáturinn Baldur, séraðgerðasvið Landhelgisgæslunnar, Árni Kópsson kafari auk fulltrúa frá rannsóknarnefnd samgönguslysa.
Veðrið hefur reynst hagstætt síðustu daga. |
Aðgerðir ganga samkvæmt áætlun. |