Vitatúr að hausti

Áhöfnin á varðskipinu Þór lagði í síðustu viku af stað í árlegan vitatúr í samstarfi við Vegagerðina.

14.9.2020 Kl: 12:13

Áhöfnin á varðskipinu Þór lagði í síðustu viku af stað í árlegan vitatúr í samstarfi við Vegagerðina. Áratugum saman hafa varðskip siglt meðfram ströndum landsins vegna eftirlits með ljósvitum, skerjavitum, sjómerkjum og ljósduflum sem ekki er hægt að komast í frá landi. 

Áhöfnin á varðskipinu Þór og starfsmenn Vegagerðarinnar sjá um eftirlit og viðhald á vitum og öðrum sjómerkjum í ferðinni.  Meðal verkefna í vitatúrunum er að yfirfara rafgeyma og sólarspegla auk þess að endurnýja perur. Einnig er skipt um vindrafstöðvar auk annars tilfallandi viðhalds. 

Meðfylgjandi myndir sýna þegar dufl og legufæri voru yfirfarin á dögunum. Legufæri ljósduflanna sem gjarnan er fjögurra tonna steinn ásamt allt að 70 metra langri keðju eru hífð upp á dekk Þórs og yfirfarin. Oft þarf að skipta út stórum hluta þeirra vegna tæringar. Myndir: Landhelgisgæslan / Nonni Ká og Sævar Már Magnússon.

Áhöfnin á varðskipinu hefur í nógu að snúast.Handtökin eru fjölmörg.Legufærin hífð upp.Vinna við legufæri.Baujusteinn sem er hluti af legufærinu hífður upp á dekk.Vitatúrinn er árlegur.Vesturboðadufl tekið á síðuna.Bergþór Lund á spilinu.Starfsmaður Vegagerðarinnar.Duflið híft upp.