Varðskipið Týr er nú við eftirlit og önnur störf á miðunum í kringum landið. Áhöfnin á skipinu nýtti tækifærið á dögunum og efndi til reykköfunaræfingar um borð í Ísborgu ÍS250 á Ísafirði. Varðskipsmenn fóru með léttbát yfir í Ísborgu og æfðu viðbrögð við eldsvoða á hafi úti en slíkar æfingar eru mikilvægur liður í að viðhalda þjálfun og þekkingu skipverjanna á að bregðast við erfiðum aðstæðum. Æfingin fór fram í blíðskaparveðri í Ísafjarðarhöfn og gekk afar vel.
Áhöfnin á varðskipinu Tý býr sig undir að æfa reykköfun.
Áhöfnin um borð í Ísborgu ÍS250
Töluverðan búnað þarf til að bregðast við eldsvoða á hafi.
Búnaði komið fyrir í léttbáti Týs.
Blíðskaparveður var á Ísafirði í gær.
Varðskipið Tý er vel tækjum búið.
Garðar Rafn Nellett og Kristinn Jóhannesson.
Myndir: Garðar Rafn Nellett.
