Kynnti sér starfsemi varnarmálasviðs og stjórnstöð Atlantshafsbandalagsins á öryggissvæðinu.
20.5.2021 Kl: 14:21
Antony Blinken, utanríkisráðherra Bandaríkjanna, heimsótti Landhelgisgæsluna á öryggissvæðinu á Keflavíkurflugvelli í dag. Georg Kr. Lárusson, forstjóri Landhelgisgæslu Íslands, tók á móti Blinken ásamt þeim Bergdísi Ellertsdóttur, sendiherra Íslands í Washington, Bryndísi Kjartansdóttur, skrifstofustjóra öryggis- og varnarmálaskrifstofu utanríkisráðuneytisins og Jóni B. Guðnasyni, framkvæmdastjóra varnarmálasviðs Landhelgisgæslunnar.
Með í för vour einnig Harry Kaiman, starfandi sendiherra bandaríkjanna á Íslandi og CDR Jason A. Neal, varnarmálafulltrúi bandaríska sendiráðsins.
Utanríkisráðherrann kynnti sér starfsemina á öryggissvæðinu á Keflavíkurflugvelli og fékk kynningu á stjórnstöð Atlantshafsbandalagsins sem rekin er af Landhelgisgæslunni. Að heimsókn lokinni fór Blinken af landi brott.
