Landhelgisgæslan sú stofnun sem mest traust er borið til

Kærar þakkir fyrir traustið!

Landhelgisgæslan er sú stofnun sem þjóðin ber mest traust til samkvæmt þjóðarpúlsi Gallup sem kynntur var í dag. Þetta er sextánda árið í röð, eða frá því Landhelgisgæslan var tekin inn í mælingar Gallup, sem stofnunin mælist með mest traust almennings.

83% þeirra sem taka afstöðu í könnuninni segjast bera mikið traust til Landhelgisgæslunnar og fyrir það erum við bæði stolt og þakklát á 100 ára afmæli stofnunarinnar.