Fréttasafn

Landhelgisgæslan óskar landsmönnum öllum velfarnaðar á nýju ári og þakkar velvild og stuðning á árinu sem nú er að líða. Að venju voru verkefni Landhelgisgæslunnar æði fjölbreytt á árinu 2016, eins og lesa má um í þessum óformlega annál.

Þyrla Landhelgisgæslunnar, TF-LÍF, lenti í Reykjavík á sjöunda tímanum með mann frá Vestmannaeyjum sem þurfti að gangast undir aðgerð.

Stjórnstöð Landhelgisgæslunnar fylgdist með og liðsinnti skipum um hátíðarnar. Leiðindaveður gerði nokkrum þeirra erfitt fyrir.

Þyrla Landhelgisgæslunnar var í kvöld kölluð til á bæ í Árnessýslu vegna alvarlegra veikinda. Sjúklingurinn var fluttur til Reykjavíkur og dvelur nú á sjúkrahúsi.

Þyrla Landhelgisgæslunnar var kölluð út í dag vegna slyss á Bergárdalsheiði við Hornafjörð en beiðnin var síðar afturkölluð.

Landhelgisgæslan og starfsfólk hennar óskar landsmönnum öllum gleðilegra jóla. 

Fjórir starfsmenn Landhelgisgæslunnar luku í gær sameiginlegu köfunarnámskeiði Landhelgisgæslunnar, Ríkislögreglustjóra og Slökkviliði höfuðborgarsvæðisins. Þeir köfuðu niður á fimmtíu metra dýpi á botn Hvalfjarðar. 

Undanfarnar vikur hefur Landhelgisgæslan boðið langveikum börnum að koma með í æfingaflug á þyrlum Landhelgisgæslunnar og um leið upplifa eitthvað öðruvísi og skemmtilegt. Er þetta hluti af afar gefandi samfélagsverkefni sem Landhelgisgæslan ákvað að efna til og þannig fagna 90 ára afmælisári Landhelgisgæslunnar.

Starfsmenn Landhelgisgæslunnar komu saman í dag til árlegrar jólastundar sem er ómissandi þáttur í starfseminni á aðventu.

Í dag er fullt tungl og því stórstreymt seinni hluta vikunnar. Landhelgisgæslan vekur athygli á að sjávarstaða gæti orðið hærri en sjávarfallaspár gefa til kynna.

Stjórnstöð Landhelgisgæslunnar barst klukkan 18.13 beiðni um þyrlu vegna sjúklings í Vestmannaeyjum sem koma þurfti til Reykjavíkur. Hafði þá sjúkraflugvél reynt að komast til Vestmannaeyja en þurfti frá að hverfa vegna veðuraðstæðna.

Stjórnstöð Landhelgisgæslunnar barst rétt rúmlega tíu í kvöld beiðni um þyrlu vegna sjúklings á Patreksfirði sem koma þarf undir læknishendur í Reykjavík. Vegna veðurs var ekki fært fyrir sjúkraflugvél og því óskað eftir að Landhelgisgæslan annaðist um málið. 

Mikið annríki hefur verið hjá þyrlusveit Landhelgisgæslunnar síðasta hálfa sólahringinn en TF-GNÁ, þyrla Landhelgisgæslunnar hefur farið í tvö sjúkraflug á þeim tíma.

Það var falleg stund í flugskýli Landhelgisgæslunnar í dag er fjölskylda Jennýjar Lilju Gunnarsdóttur afhenti Landhelgisgæslunni ómtæki að gjöf úr minningarsjóði Jennýjar Lilju sem lést af slysförum í október 2015.

Stjórnstöð Landhelgisgæslunnar barst klukkan 15:42 í dag beiðni um aðstoð þyrlu vegna bílslyss vestan við Vík í Mýrdal og var þyrla Landhelgisgæslunnar farin í loftið um tíu mínútum síðar.