Fréttasafn

Áhöfnin á varðskipinu Freyju æfði með þyrlusveit Landhelgisgæslunnar við Skagaströnd í gær og þar náði Guðmundur St. Valdimarsson, bátsmaður á Freyju, þessari mögnuðu mynd.

Níu tonn af hlýju frá Íslandi voru um borð í kanadískri herflutningavél sem flaug frá Keflavíkurflugvelli áleiðis til Úkraínu í dag. Um að ræða vetrarútbúnað fyrir varnarsveitir Úkraínu og almenning sem er annars vegar afrakstur sjálfboðavinnu þúsunda Íslendinga og hins vegar kaup utanríkisráðuneytisins á margvíslegum vetrarbúnaði.

Hin árlega jólastund Landhelgisgæslunnar var haldin í nýja flugskýlinu á Reykjavíkurflugvelli. Georg Kr. Lárusson, forstjóri Landhelgisgæslunnar, flutti ræðu þar sem hann fjallaði um þann kraft sem einkennt hefur stofnunina á árinu og sagði að það væri vel við hæfi að jólastundin færi fram í hinu nýja flugskýli sem brátt verður tekið í notkun.

Út eru komin ritin Sjávarfallatöflur 2023 ásamt Sjávarfallaalmanaki 2023. Landhelgisgæslan, áður Sjómælingar Íslands, hafa gefið út töflur yfir sjávarföll í tæp 70 ár. 

Áhöfnin á varðskipinu Þór hélt leit áfram í dag að skipverjanum sem féll útbyrðis á laugardag úti fyrir Garðskaga. Leitað var með neðansjávarfari frá Teledyne Gavia sem sjósett var um klukkan 13:30 frá léttbáti varðskipsins. 

Áhöfnin á varðskipinu Þór heldur leit áfram í dag að skipverjanum sem féll útbyrðis á laugardag úti fyrir Garðskaga. Leitað verður með neðansjávari frá Teledyne Gavia á svæðinu þar sem talið er að maðurinn hafi fallið fyrir borð. 

Leit að skipverjanum sem féll útbyrðis á laugardag hélt áfram í birtingu. Leitað er á svæði sem er um 25 sjómílur frá Garðskaga og hefur leitarsvæðið verið stækkað. 

Á dögunum barst okkur þessi skemmtilega mynd frá klárum krökkum í 2-L í Öldutúnsskóla sem fengu það verkefni að fjalla um starfsemi Landhelgisgæslunnar og tókst það frábærlega eins og sjá má.

Áhöfnin á varðskipinu Þór strekkti á dráttarvírnum á Grundartanga í gærmorgun. Dráttarvírar beggja varðskipa hafa komið að góðum notum á undanförnum mánuðum og árum.

Bygging nýs flugskýlis fyrir Landhelgisgæsluna gengur sérlega vel eins og sjá má á þessum myndum sem teknar eru með tveggja vikna millibili. Fyrir áramót verður byrjað að nota sjálft flugskýlið og í vor er gert ráð fyrir að skrifstofuhluti þess verði tilbúinn.

Himininn var fagur og kvöldið kyrrlátt þegar þessar fallegu myndir voru teknar á Reykjavíkurflugvelli af TF-GNA, þyrlu Landhelgisgsæslunnar.

Skipstjóri íslensks togskips hafði samband við stjórnstöð Landhelgisgæslunnar í gærmorgun og óskaði eftir aðstoð varðskips vegna vélarbilunar. Skipið var þá statt um 16 sjómílur vestur af Látrabjargi. 

Í gær var fjölmennt en góðmennt um borð í varðskipinu Þór. Áhöfnin fékk góða heimsókn frá leik- og grunnskólanum á Bíldudal ásamt kennurum. 

Þegar eldur kemur upp í skipum eru slökkviliðsmenn frá Slökkviliði höfuðborgarsvæðisins gjarnan sendir með áhöfn þyrlunnar á vettvang. Því skiptir það afar miklu máli að þyrluáhafnirnar og slökkviliðið æfi saman rétt handtök.

Varðskipið Freyja er vel tækjum búið. Þar er meðal annars að finna voldugar slökkvibyssur sem eru ákaflega afkastamiklar. Þær geta dælt um 7200 rúmmetrum af sjó á klukkustund og kastað vatninu um 220 metra frá skipinu.