Kvöldvaka og bingó í lok annasamrar æfingaviku.
13.4.2022 Kl: 10:18
Eftir annasama viku þar sem áhöfnin á varðskipinu Freyju var þátttakandi í Norðurvíkingi 2022 hélt varðskipið heim á Siglufjörð eftir að hafa haft stutta viðkomu til höfuðborgarinnar þar sem viðurkenning var veitt fyrir fimmta og síðasta græna skrefið í ríkisrekstri.
Á heimleiðinni til Siglufjarðar fór hið geysivinsæla og margrómaða páskabingó áhafnarinnar fram sem hófst með víðtækri páskaeggjaleit í skipinu áður en hátíðarkvöldverðurinn var borinn fram. Að kvöldverði loknum hófst kvöldvaka áhafnarinnar með undirspili og söng.
Rúsínan í pylsuendanum var svo bingóið sjálft þar sem spilaðar voru 12 umferðir og þar sem veglegir vinningar voru í boði.
Áhöfnin á Freyju vill koma þakklæti á framfæri til þeirra sem lögðu bingóinu lið og óskar öllum gleðilegra páska.
Myndir: Guðmundur St. Valdimarsson.Kvöldvaka um borð í Freyju. 
Bingóið árlega um borð í varðskipinu. 
Bingó. 
Fimmta og síðasta græna skrefið í ríkisrekstri.
Páskaegg frá Freyju. 
Vinningshafar.
Siglt frá höfuðborginni.
Íslenski fáninn.
