Útskrifuðust sem atvinnukafarar
Ellefu útskrifuðust sem atvinnukafarar eftir krefjandi námskeið.
30.11.2018 Kl: 16:39
Köfunarnámskeiði Landhelgisgæslunnar, Slökkviliðs höfuðborgarsvæðisins og ríkislögreglustjóra lauk í lok mánaðarins með útskrift ellefu nemenda. Þrír þeirra eru starfsmenn Landhelgisgæslunnar en um er að ræða eina allra erfiðustu þrekraun sem starfsmenn stofnunarinnar gangast undir. Því er um mikið afrek að ræða og með útskriftinni í gær var langþráður draumur margra að rætast. Nemendurnir ellefu útskrifuðust sem atvinnukafarar eftir langt og strangt námskeið. Útskriftin sem fram fór í gær var haldin í slökkvistöðinni á Tunguhálsi og Landhelgisgæslan óskar útskriftarnemunum innilega til hamingju með áfangann.
Hópurinn sem útskrifaðist.
Kristinn Ómar Jóhannsson.
Anton Örn Rúnarsson
Jón Smári Traustason
Hópurinn með leiðbeinendum.