Slasaður hestamaður sóttur með þyrlu

Mánudagur 8. júlí 2002. 

Óskað var eftir aðstoð Landhelgisgæslunnar vegna stúlku sem missti meðvitund eftir að hafa fallið af hestbaki á Grímstunguheiði, rétt SV við Eyjavatn á Auðkúluheiði um kl. 17:25 í dag.  Að mati lækna var nauðsynlegt að sækja hana tafarlaust og var áhöfn TF-SIF þegar kölluð út.  Hélt þyrlan áleiðis að slysstað kl. 18:00 og var komin þangað kl. 18:49, á svipuðum tíma og björgunarsveitarmenn. Þyrlan lenti með stúlkuna á Landspítala Háskólasjúkrahúsi í Fossvogi um kl. 19:37.

Dagmar Sigurðardóttir upplýsingafulltrúiLandhelgisgæslu Íslands