Sjúkraflug í norskan togara

Föstudagur 5. júlí 2002.

Um kl. 11 í morgun hafði norski togarinn TENOR samband við stjórnstöð Landhelgisgæslunnar vegna veiks skipverja um borð.  Hafði þyrlulæknir þegar samband við skipið en samkvæmt lýsingum skipverja á ástandi hans þótti ástæða til að sækja sjúklinginn með þyrlu.  TF-LÍF var þegar send af stað og var komin að skipinu um kl. 15.  Vélin lenti með sjúklinginn á Reykjavíkurflugvelli kl. 16:50 og var hann fluttur þaðan með sjúkrabíl.

Þar sem skipið var mjög langt frá landi, fylgdi Fokker flugvél Landhelgisgæslunnar, TF-SÝN, þyrlunni að skipinu í öryggisskyni.  Skipið var að veiðum á úthafskarfamiðunum fyrir utan 200 sjómílna mörkin á Reykjaneshrygg.

Dagmar Sigurðardóttir upplýsingafulltrúiLandhelgisgæslu Íslands