Viðbúnaður vegna neyðarsendinga- Tveir menn fundust á olíulausum plastbáti

Laugardagur 31. maí 2003.

Flugmálastjórn hafði samband við stjórnstöð Landhelgisgæslunnar kl. 15:25 í dag og tilkynnti um neyðarsendingar 38 sjómílur vestur af Bjargtöngum.  Stuttu síðar hættu sendingarnar að heyrast.  Upplýsingar um þetta voru sendar til varðskips sem sigldi þegar í átt að staðnum.  Samkvæmt fyrirliggjandi gögnum stjórnstöðvar Landhelgisgæslunnar og Tilkynningarskyldunnar voru engir bátar á siglingu á þessu svæði.

Björgunarsveitin Björg á Rifi sendi björgunarskip á svæðið og fann þar tvo menn á plastbáti sem var orðinn olíulaus.  Mennirnir höfðu ætlað að sigla frá Breiðuvík til Grundartanga.  Björgunarskipið Björg fylgdi þeim til hafnar og var Sjóslysanefnd upplýst um málið.

Dagmar Sigurðardóttir upplýsingafulltrúiLandhelgisgæslu Íslands