Nýlega efndu Ríkiskaup f. h. Landhelgisgæslu Íslands til lokaðs útboðs í kjölfar forvals vegna smíði á nýju varðskipi fyrir LHG. Í forvalinu var auglýst eftir þátttakendum í lokað útboð og urðu eftirtaldir aðilar fyrir valinu;

Aker frá Noregi, Asmar frá Chile, Bergen frá Noregi,  Damen frá Hollandi,  Peene-Werft frá Þýskalandi og SIMEK frá Noregi.

 Helstu kröfur sem settar voru fram í útboðsgögnum varðandi skip og búnað:

Nauðsynlegt að nýtt varðskip fyrir LHG verði hannað og útbúið þannig að það hafi getu til að gegna ákveðnum verkefnum og hafi ákveðna eiginleika s.s.:

•  Löggæsla
  
• Fiskveiðieftirlit
  
• Auðlindagæsla innan efnahagslögsögunnar
  
• Leit og björgun
  
• Sjúkraflutningar – fólksflutningar
  
• Björgunar – dráttar og köfunarstörf

·          

• Til að sinna og stjórna leitar- og björgunarstörfum á hafinu umhverfis Ísland við verstu aðstæður.
  
• Flutningur á björgunarliði og búnaði.


• Búnaður til að láta þyrlu á hangflugi (hover) hafa eldsneyti (HIFR búnaður)
  
• Stjórnstöð í stærri björgunaraðgerðum

Um mat á tilboðum

Ákveðið hefur verið hvaða þættir munu ráða mestu við valið og eftirfarandi viðmið verið sett:

Verð mun ráða 35% ( Líftímakostnaður til 15 ára)

Tæknileg útfærsla, hönnun og hvernig kröfur eru uppfylltar ráða 50%

Framleiðandi; gæði vélbúnaðar og tækja ræður 15%

Eftirfarandi tilboð bárust: 

SIMEK              33.100.000.- Evrur          Peene-Werft      36.800.000.- Evrur

Damen            30.600.000.- Evrur           Asmar                27.261.000.- Evrur og

                                                                      boð nr. 2            27.863.000.- Evrur

Nú þegar tilboð hafa verið opnuð tekur við vinna við að yfirfara þau og meta og er stefnt er að undirritun samnings um miðjan nóvember.