Loftrýmisgæsla portúgalska flughersins hálfnuð

3.3.2022 Kl: 15:35

Undanfarnar vikur hefur portúgalski flugherinn annast loftrýmisgæslu Atlantshafsbandalagsins hér á landi. Loftrýmisgæslan er nú hálfnuð og um þessar mundir fara áhafnaskipti flugsveitarinnar fram. 

Til að uppfylla flugöryggiskröfur þurfa flugmenn sveitarinnar sem koma hingað til lands að framkvæma aðflugsæfingar að varaflugvöllum á Akureyri og Egilsstöðum dagana 4. til 11. mars.

Framkvæmd verkefnisins er með sama fyrirkomulagi og
fyrri ár og í samræmi við loftrýmisgæsluáætlun Atlantshafsbandalagsins fyrir
Ísland.

Flugsveitin hefur aðsetur á öryggissvæðinu á
Keflavíkurflugvelli. 

Mynd: Þorgeir Baldursson