Surtseyjarfarar sóttir

9.8.2023 Kl: 11:18

Þyrlusveit Landhelgisgæslunnar aðstoðaði vísindamenn við að flytja
búnað og mannskap úr Surtsey á dögunum. Undanfarin ár hefur Landhelgisgæslan í
samstarfi við Umhverfisstofnun aðstoðað Surtseyjarfara með ýmsu móti, t.d með
að flytja þá ásamt búnaði til og frá eynni.

Hluti hópsins var fluttur til Vestmannaeyja á meðan aðrir fóru til
Reykjavíkur. Ljósmyndarinn Addi í London tók meðfylgjandi myndir þegar verið var
að ferja Surtseyjarfara og búnað frá eyjunni.

Hópurinn og þyrla Landhelgisgæslunnar í bakgrunni. 

Gísli Valur Arnarson, stýrimaður, heldur á búnaði um borð í þyrluna. 

Hópurinn hafði töluverðan búnað meðferðis. 

Þyrla Landhelgisgæslunnar. 

Hluti hópsins.