Þyrla Landhelgisgæslunnar sækir veikan farþega um borð í skemmtiferðaskip

Stjórnstöð Landhelgisgæslunnar barst nú rétt fyrir hádegi beiðni um aðstoð þyrlu vegna alvarlega veiks farþega um borð í skemmtiferðaskipinu Astoria. Skemmtiferðaskipið sem var á leið frá landinu, er nú statt um 80 sjómílur suðsuðaustur af Vestmannaeyjum.

Þyrla Landhelgisgæslunnar, TF-LIF fór í loftið nú rétt í þessu og er áætlað að hún verði yfir skipinu upp úr klukkan 13:00. Mun þyrlan flytja sjúklinginn á sjúkrahús í Reykjavík.