Lóa bangsi tók þátt í eftirliti þyrlusveitar

26.1.2024 Kl: 13:57

Sex ára dóttir eins þyrluflugstjórans okkar stóð frammi fyrir erfiðu vali í gær. 

Í skólanum var bangsastund og hún þurfti að velja á milli bangsanna Manna og Lóu um hvort þeirra fengi að fara með henni. Hún gat ómögulega gert upp á milli þeirra . 

Úr varð að Manni fór með henni í skólann og Lóa með pabba hennar í þyrluna. 

Lóa aðstoðaði við eftirlit um landið og miðin og fékk að fylgjast með ansi viðburðaríkum degi um borð í þyrlunni.

Haukur Harðarsson, flugmaður, Lóa og Þórarinn Ingi Ingason, flugstjóri. 

Lóa fylgist með. 

Þórarinn Ingi Ingason og Lóa. 

Lóa fór með í vinnuna.