Kólumbískir sjóliðar heimsóttu Freyju

Áhöfn og sjóliðar frá kólumbíska skólaskipinu ARC Gloria, sem nú er í heimsókn í Reykjavíkurhöfn, heimsóttu varðskipið Freyju í vikunni.

Einar Valsson, skipherra, tók á móti hópnum og kynnti þeim starfsemi varðskipsins og verkefni Landhelgisgæslunnar.

ARC Gloria er þriggja mastra skólaskip og flaggskip kólumbíska sjóhersins, sem gegnir mikilvægu hlutverki við þjálfun sjóliða og kynningu á Kólumbíu um allan heim. Skipið hefur vakið athygli gesta og gangandi í Reykjavík undanfarna daga.

Einar Valsson afhendir fulltrúa áhafnarinnar minnispening Landhelgisgæslunnar og mynd af varðskipinu Freyju.