Æfðu viðbrögð við því ef skipverji fellur útbyrðis

Tveir úr áhöfn Þórs ,,féllu fyrir borð" og var bjargað af félögum sínum skömmu síðar.

6.3.2023 Kl: 14:27

Áhöfnin á varðskipinu Þór æfði á dögunum viðbrögð við því ef maður fellur fyrir borð. Æfingin fór þannig fram að einungis fjórir úr áhöfn skipsins vissu af henni fyrirfram, þeir tveir sem létu sig falla í sjóinn, skipherra og háseti sem tilkynnti að menn hefðu fallið fyrir borð.

Á meðfylgjandi myndbandi má sjá hvernig varðskipið fjarlægist mennina sem eru í sjónum hratt en handtök áhafnarinnar á Þór voru snör þegar henni var tilkynnt að tveir væru í sjónum og voru þeir komnir um borð í léttbát varðskipsins rúmum fjórum mínútum eftir að hafa fallið í sjóinn.

Æfing sem þessi er afar mikilvæg og gekk sérlega vel en hún fór fram í nágrenni Vestmannaeyja. 

Maður fyrir borð - æfing Myndband af æfingunni.

Skipverjarnir horfa á eftir varðskipinu Þór. 

Eiríkur Bragason, yfirstýrimaður á Þór, stekkur í sjóinn.

Þór búinn að snúa við. Léttbáturin gerður tilbúinn að síðu skipsins. 

Mönnunum bjargað um borð í léttbátinn. 

Léttbáturinn hífður um borð í Þór. Mennirnir voru komnir um borð aftur rúmum fjórum mínútum eftir að þeir féllu í sjóinn.