Áhöfnin á Tý synti inn í efnahagslögsögu Íslands eftir eftirlitsferð á Reykjaneshrygg

11 rússnesk skip að veiðum

14.5.2021 Kl: 10:05

Að undanförnu hefur varðskipið Týr verið við eftirlitsstörf á úthafskarfamiðunum á Reykjaneshrygg, á NEAFC-svæðinu svonefnda.

Þegar varðskipið kom á svæðið á dögunum voru þar 11 rússneskir togarar að veiðum. Að þessu sinni var ekki farið um borð í skipin heldur voru þau skoðuð með eftirlitskerfum og þau mynduð.

Rússnesku skipin voru við veiðar á lögsögumörkunum þegar Týr kom á svæðið en færðu sig þá örlítið utar eftir komu varðskipsins á miðin.

Á bakaleiðinni gerði hluti áhafnarinnar sér lítið fyrir og synti yfir línuna sem markar 200 sjómílna efnahagslögsöguna. Veðrið var með ágætum og sundspretturinn inn í efnahagslögsöguna gekk eins og í sögu.

Frá eftirlitsstörfum áhafnarinnar á Tý.

11 rússnesk skip voru að veiðum á Reykjaneshrygg þegar varðskipið var þar við eftirlit á dögunum.

Áhöfnin á Tý stakk sér til sunds og synti inn í efnahagslögsögu Íslands. 

Hálfdán Freyr Örnólfsson, stýrimaður, gerði sér lítið fyrir og synti á sundfötunum einum enda vanur sjósundsmaður.

Garðar Nellett syntir yfir línuna í flotgalla. 

Stokkið frá borði.

Bláa línan markar efnahagslögsögu Íslands.

Stokkið.