Grjót flutt í Grímsey
Áhöfnin á varðskipinu Þór flutti grjót í Grímsey í morgun.
6.9.2022 Kl: 11:27
Áhöfnin á varðskipinu Þór flutti í morgun 16 bretti af grjótskífum í landi á Grímsey. Alls er um 11 tonn af grjóti að ræða sem notað verður vegna byggingar á nýrri kirkju í eynni.Þegar varðskipið var við eyjuna í morgun var svarta þoka og lítið skyggni en þrátt fyrir það gekk vel að ferja brettin í land.
Þau voru hífð um borð í léttbát Þórs og siglt með þau í Grímseyjarhöfn þar sem byggingaraðilar tóku við þeim. Fyrr í sumar flutti áhöfn Þórs byggingarefni í eyjuna en þá flutti skipið sex tonn af timbri og grjót í Grímsey.
Okkur þykir ánægjulegt að geta aðstoðað við framkvæmdir á nyrsta kirkjubóli landsins þegar varðskipin eru við eftirlit á svæðinu.
![Vardskipid-Thor-lest](/media/uncategorized/vardskipid-thor-lest.jpg)
![Saevar-Mar-grjot](/media/uncategorized/saevar-mar-grjot.jpg)
![Lettbatur-sjor-Thor](/media/uncategorized/lettbatur-sjor-thor.jpg)
![Grimsey-lettbatur-2022](/media/uncategorized/grimsey-lettbatur-2022.jpg)
![Vardskipid-Thor-2022](/media/uncategorized/vardskipid-thor-2022.jpg)