Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.


Fréttayfirlit


Þyrla og varðskip á leið austur vegna snjóflóðahættu - 27.3.2023

Mynd-hundar

Þyrlusveit Landhelgisgæslunnar er nú á leið til Egilsstaða með björgunarsveitarmenn á vegum Slysavarnafélagsins Landsbjargar og leitarhunda vegna snjóflóðahættu á Austfjörðum.

Vel heppnað úthald Freyju - 23.3.2023

Vardskipid-Freyja

Varðskipið Freyja kom til heimahafnar á Siglufirði í gær eftir þriggja vikna úthald á hafsvæðinu umhverfis landið.

Séraðgerðasveit kemur að þjálfun úkraínskra hermanna - 21.3.2023

EOD_1679396326312

Þjálfun úkraínskra hermanna á sviði sprengjuleitar og sprengjueyðingar hófst í Litáen í vikunni. Um er að ræða samstarfsverkefni Norðurlandanna og Litáen og annast litáískir, norskir, sænskir og íslenskir sprengjusérfræðingar framkvæmdina.

Sjófarendur hvattir til aðgæslu vegna lagnaðaríss - 16.3.2023

Lagnadaris_Siglunes_02

Í kuldatíðinni sem staðið hefur síðustu daga og vikur hefur víða myndast lagnaðarís þar sem sjólag er nægjanlega stillt.

Fjöldabjörgun fólks úr sjó æfð og rædd í Reykjanesbæ - 16.3.2023

Radstefna-2

Landhelgisgæslan, Samtök útgerða skemmtiferðaskipa á norðurslóðum (AECO) og leitar og björgunarmiðstöðin í Norður-Noregi, efndu til ráðstefnu og viðbragðsæfingar í Reykjanesbæ þar sem björgunarmál tengd siglingum skemmtiferðaskipa á norðurslóðum voru til umfjöllunar.

Æft undan Rauðasandi - 10.3.2023

332484178_1204363100442435_7847895944249736638_n

Áhöfnin á varðskipinu Freyju annast eftirlit á Íslandsmiðum um þessar mundir og í hverju úthaldi fara fram fjölmargar æfingar til að tryggja að áhöfnin sé sem best undirbúin þegar kallið kemur.

Æfðu viðbrögð við því ef skipverji fellur útbyrðis - 6.3.2023

Eirikur-Bragason

Áhöfnin á varðskipinu Þór æfði á dögunum viðbrögð við því ef maður fellur fyrir borð. Æfingin fór þannig fram að einungis fjórir úr áhöfn skipsins vissu af henni fyrirfram, þeir tveir sem létu sig falla í sjóinn, skipherra og háseti sem tilkynnti að menn hefðu fallið fyrir borð.

Flekkir sem reyndust vera loðna og æft við Þrídranga - 3.3.2023

Image00022_1677847048760

Í eftirlitsflugi þyrlusveitar Landhelgisgæslunnar í vikunni varð áhöfnin á TF-GNA vör við flekki allt í kringum Reykjanesskagann og suður af landinu. Eftir stutta skoðun kom í ljós að ekki væri um mengun að ræða heldur væru þarna, að öllum líkindum, loðnutorfur á ferðinni. Fjöldi uppsjávarveiðiskipa voru á svæðinu, þar á meðal fjögur færeysk loðnuskip á ferðinni en eitt þeirra var á veiðum.

Æft undir norðurljósum - 3.3.2023

Nordurljos-3

Áhöfnin á varðskipinu Freyju og þyrlusveit Landhelgisgæslunnar æfðu undir norðurljósum á Húnaflóa í gærkvöld. Sjónarspilið var sannarlega stórfenglegt.

Baldur í slipp - 2.3.2023

20230217_160348_resized

Sjómælingaskipið Baldur var tekið í slipp hjá Skipasmíðastöð Njarðvíkur 17. febrúar s.l. til reglubundins eftirlits í samræmi við skilmála flokkunarfélagsins Bureau Veritas.

Reykköfun æfð um borð í Jóni Kjartanssyni - 27.2.2023

Reykkofun-um-bord-i-Joni-Kjartanssyni

Áhöfnin á varðskipinu Þór æfir reglulega viðbrögð við eldsvoða sem upp kann að koma um borð í skipum á hafinu umhverfis landið. 

Flogið yfir Öskju - 22.2.2023

Jakob-Olafsson-og-Lara-Theodora-Magnusdottir

Áhöfnin á TF-SIF flaug með hóp vísindamanna að Öskju í síðustu viku. Hér má sjá nokkrar skemmtilegar myndir sem Árni Sæberg, ljósmyndari Morgunblaðsins, tók í ferðinni.

Loðnueftirlit austur af landinu - 21.2.2023

IMG_6847

Á dögunum fór áhöfnin á varðskipinu Þór í eftirlit í loðnuskip austur af landinu. Eftirlitið gekk vel en það fór að stærstum hluta fram að næturlagi vegna þess að veiðin hjá loðnuskipunum var betri á þeim tíma.

Takk fyrir traustið! - 20.2.2023

Traust-til-stofnana

Landhelgisgæslan nýtur mest trausts landsmanna en samkvæmt nýjum niðurstöðum Þjóðarpúls Gallup bera 90% landsmanna mikið traust til Landhelgisgæslunnar. Þetta er þrettánda árið í röð sem Landhelgisgæslan mælist með mest traust íslenskra stofnana eða allt frá því að Landhelgisgæslan var tekin fyrst inn í mælingar Gallup. 

Gert ráð fyrir 4,5 metra flóðhæð í Reykjavík á morgunflóðinu í fyrramálið - 20.2.2023

Sjavarfallatoflur-2023_1676889829202

Í dag er nýtt tungl og verður stórstreymt á morgun, þriðjudag. Í sjávarfallatöflum sem Landhelgisgæslan gefur út er gert ráð fyrir 4,5 metra flóðhæð í Reykjavík á morgunflóðinu í fyrramálið, sem er með hærra lagi.

Tveir úr séraðgerðasveit til Tyrklands - 9.2.2023

Andri-og-Haukur

Hópur íslenskra sérfræðinga á sviði aðgerðastjórnunar í rústabjörgun á hamfarasvæðum lagði af stað með flugvél Icelandair til jarðskjálftasvæðanna í Tyrklandi í vikunni. Tveir liðsmenn séraðgerðasveitar Landhelgisgæslunnar eru með í för en báðir hafa þeir umtalsverða reynslu af björgunarstörfum.

Síða 1 af 2