Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.



Áhöfnin á Þór fjarlægði rekald úr sjó - 24.5.2019

IMG_6578

Áhöfn flutningaskips sem var á leið frá landinu tilkynnti varðskipinu Þór um rekald á sjó vestan við Sandgerði í vikunni. Áhöfn varðskipsins brást hratt og örugglega við beiðninni og fjarlægði rekaldið úr sjónum. Þarna var á ferðinni plaströr með járni á endunum sem hefði geta reynst smærri skipum hættulegt.

Viðburðaríkir sólarhringar - 18.5.2019

IMG_3302-20-282-29

Áhöfnin á TF-LIF, þyrlu Landhelgisgæslunnar, varðstjórar í stjórnstöð Landhelgisgæslunnar, skipverjar á varðskipinu Tý og áhöfn Sifjar, flugvélar Landhelgisgæslunnar, hafa haft í nógu að snúast undanfarna tvo sólarhringa.

Fjórtán fluttir með loftförum Landhelgisgæslunnar - 18.5.2019

Hof

Fjórtán voru fluttir slasaðir með loftförum Landhelgisgæslunnar á sjúkrahús í Reykjavík og Akureyri eftir rútuslys sem varð við Hof í Öræfum.

Flengur dró fiskibát til hafnar - 7.5.2019

IMG_2962-2-

Stjórnstöð Landhelgisgæslunnar barst á tólfta tímanum í dag beiðni um aðstoð frá fiskibát sem fékk veiðarfæri í skrúfuna úti fyrir Vatnsleysuströnd. Áhöfnin á varðskipinu Tý, sem var við æfingar skammt frá, brást hratt við beiðninni og fór til aðstoðar á léttbátnum Fleng sem dró bátinn til hafnar. Tveir voru um borð í fiskibátnum en þeim varð ekki meint af. 

Gátlisti fyrir strandveiðar - 3.5.2019

Gatlistibanner

Strandveiðar hófust í vikunni og eins og alltaf skiptir öllu máli að huga að örygginu. Samgöngustofa og Siglingaráð hafa útbúið stórgóðan gátlista með öllu því helsta sem vert er að hafa í huga til að stuðla að öryggi sjófarenda og auka líkur á ánægjulegri sjóferð. Listann má finna í hlekknum hér að neðan. Góða ferð!

Mannlaus dróni tekinn í notkun á Íslandi - 3.5.2019

Droni1

Landhelgisgæslan hefur fengið mannlausan dróna til notkunar sem gerður er út frá Egilsstaðaflugvelli. Um er að ræða samstarfsverkefni EMSA, Siglingaöryggisstofnunar Evrópu, og Landhelgisgæslunnar en loftfarið verður hér á landi í þrjá mánuði. Á tímabilinu verður dróninn prófaður við löggæslu, leit- og björgun og mengunareftirlit á hafinu umhverfis Ísland. 

Staðnir að meintu ólöglegu brottkasti - 26.4.2019

Brottkast

Áhöfnin á TF-SIF, flugvél Landhelgisgæslunnar, hefur undanfarna daga staðið skipverja þriggja fiskibáta að meintu ólöglegu brottkasti. Við reglubundið eftirlit á Íslandsmiðum náðust bæði myndir og myndbönd sem sýna hið meinta brottkast. Unnið er að rannsókn málsins en skipstjórar fiskibátanna eiga yfir höfði sér kæru vegna athæfisins. 

TF-LIF sótti veikan skipverja - 23.4.2019

Sogulegt-sjukraflut-TYR-TF-LIF

Stjórnstöð Landhelgisgæslunnar barst beiðni um aðstoð frá fiskiskipi vegna alvarlegra veikinda um borð. Skipið var þá á veiðum um 31 sjómílu suður af Reykjanestá. Ósk um aðstoð barst Landhelgisgæslunni laust fyrir átta í gærkvöldi og var skipverjinn kominn um borð í TF-LIF, þyrlu Landhelgisgælunnar um klukkustund síðar. Hann var fluttur á Landspítalann í Reykjavík.

Staðinn að meintum ólöglegum veiðum - 20.4.2019

Seint í gærkvöld urðu varðstjórar í stjórnstöð Landhelgisgæslunnar þess varir að norska línuskipið Fiskenes, sem hefur veiðiheimild innan íslensku fiskveiðilögsögunnar, var búið að leggja línu inn fyrir mörk hryggningastoppsvæðisins sem er í gildi um þessar mundir samkvæmt reglugerð nr. 30 frá 2005. Samkvæmt henni eru allar veiðar bannaðar frá 12. apríl til og með 21. apríl innan ákveðinna marka suður og vestur af landinu.

Mikill viðbúnaður vegna elds í fiskibát - 15.4.2019

Stjórnstöð Landhelgisgæslunnar barst tilkynning klukkan 17:51 um eld um borð í fiskibátnum Æsi sem staddur var vestur af Flatey á Breiðafirði. Þrír voru um borð. TF-LIF, þyrla Landhelgisgæslunnar, var þegar í stað kölluð út sem og TF-SIF, flugvél Landhelgisgæslunnar, sem var í löggæsluverkefni þegar útkallið barst. Að auki var varðskipið Týr beðið um að halda á vettvang sem og björgunarsveitir Landsbjargar á Snæfellsnesi.

Viðbrögð æfð við neyðarástandi í skemmtiferðaskipi - 12.4.2019

IMG_1370

Landhelgisgæslan, Samtök útgerða skemmtiferðaskipa á norðurslóðum (AECO) og leitar og björgunarmiðstöðin í Norður-Noregi, efndu til ráðstefnu og viðbragðsæfingar í Iðnó þar sem björgunarmál tengd siglingum skemmtiferðaskipa á norðurslóðum var til umfjöllunar. Þetta er í fjórða sinn sem viðburðurinn er haldinn hér á landi.

Hamingjusamari áhafnir - 11.4.2019

Ljosmynd-2_1554983196622

Það er þjóðþrifamál að hafa hamingjusamar áhafnir en Landhelgisgæslunni er umhugað um vellíðan alls starfsfólks stofnunarinnar. Þess vegna var haldið sérstakt sérstakt námskeið um hamingju og vellíðan á vinnustað áður en varðskipið Týr hélt frá Reykjavík í gær. 

TF-SIF kölluð út vegna báts sem hvarf úr ferilvöktun - 9.4.2019

Stjórnstöð Landhelgisgæslunnar fékk tilkynningu laust eftir hádegi um að handfærabátur væri horfinn úr ferilvöktun. Einn var um borð en síðast var vitað um bátinn undan Stóranesi, sunnan Glettinganess. TF-SIF, flugvél landhelgisgæslunnar og björgunarsveitin Ísólfur voru kölluð út til leitar en samband náðist við bátinn um tveimur tímum eftir að eftirgrennslan  hófst.

Landhelgisgæslan tekur við formennsku í Arctic Coast Guard Forum - 4.4.2019

IMG_1334

Landhelgisgæsla Íslands tók í dag við formennsku í Arctic Coast Guard Forum, samtökum strandgæslustofnana á norðurslóðum, til næstu tveggja ára. Um er að ræða samráðsvettvang strandgæslustofnana átta norðurslóðaríkja en finnska strandgæslan hefur farið með formennsku í ráðinu undanfarin tvö ár. 

Landhelgisgæslan tók þátt í Polaris 2019 - 2.4.2019

IMG_2223

Landhelgisgæslan tók þátt í stórslysaæfingunni Polaris 2019 sem fram fór í Finnlandi í dag. Átta þjóðir, sem mynda Arctic Coast Guard Forum, komu að æfingunni, en æfð voru viðbrögð við neyðarástandi um borð í skemmtiferðaskipi undan ströndum Finnlands. TF-SIF, flugvél Landhelgisgæslunnar, tók þátt í æfingunni auk þess sem starfsmenn stofnunarinnar voru í aðgerðastjórn í samhæfingarstöð finnsku strandgæslunnar. 

Tvö útköll þyrlu Landhelgisgæslunnar vegna vélsleðaslysa - 30.3.2019

TF-LIF, þyrla Landhelgisgæslunnar, var tvisvar sinnum kölluð út í dag vegna vélsleðaslysa. Í hádeginu var óskað eftir aðstoð þyrlusveitarinnar eftir að vélsleðamaður féll í hlíðum Heklu. Sá var fluttur til Reykjavíkur. Síðdegis var aftur óskað eftir aðstoð þyrlunnar þegar annar vélsleðamaður slasaðist í Flateyjardal. Hann var fluttur með þyrlunni á Sjúkrahúsið á Akureyri.

Síða 1 af 4