Fékk tundurdufl í dragnót

Miðvikudagur 19. september 2007

Skipstjóri dragnótarbátsins Sigga Bjarna GK 5 hafði samband við Vaktstöð siglinga og tilkynnti um sprengju í dragnótinni. Sprengjusérfræðingur LHG var kallaður til og eftir að hafa rætt við skipstjórann vaknaði grunur um að um tundurdufl væri að ræða. Báturinn snéri til Keflavíkur og þar tóku sprengjusérfræðingar LHG á móti bátnum. Duflið reyndist vera breskt seguldufl frá seinni heimsstyrjöldinni.  Duflið var gert óvirkt um borð í bátnum og svo flutt á land þar sem hleðslan var brennd.  Dufl af þessu tagi eru hættuleg og mikilvægt er að skipstjórnarmenn hafi samband við Sprengjudeild LHG / Vaktstöð siglinga ef dufl eða aðrir torkennilegir hlutir koma í veiðarfæri.


Segulduflið komið á land


Hleðslan úr duflinu, 110 kg af TNT sprengiefni

24.09.2007 SRS