Áhöfn Vs. Ægis og varð- og stýrimenn úr flugdeild LHG á námskeiði hjá Slökkviliði Höfuðborgarsvæðisins

Fimmtudagur 6. Desember 2007

Síðastliðinn þriðjudag, 3. desember, tók áhöfn varðskipsins Ægis ásamt stýrimönnum og vaktmönnum úr flugdeild þátt í námskeiði og æfingum í fyrstu hjálp og slökkvistörfum hjá Slökkviliði Höfuðborgarsvæðisins (SHS). Námskeiðið fór fram í slökkvistöðinni Tunguhálsi en verklegar æfingar á æfingasvæði SHS við Úlfarsfell, þar sem farið var yfir slökkvistörf og reykköfun við raunverulegar aðstæður. Á námskeiðinu var sérstök áhersla lögð á háls- og hryggáverka, endurlífgun og kynningu á hjartastuðtæki. Einnig var farið ýtarlega í stjórnun og eftirlit með köfunarstað og fengu námskeiðsmenn að prófa stjórnborð það sem SHS notar fyrir sína reykkafara.

Meðfylgjandi myndir tók Guðmundur St. Valdimarsson bátsmaður á námskeiðinu


Gunnar Kristjánsson æfir hjartahnoð

Hjartastuðtæki prófað. Frá vinstri: Rafn S. Sigurðsson, Sverrir Jensson,
Hafsteinn Jensson, Viðar Gíslason, Tómas Pétursson og Gunnar
Kristjánsson fylgjast með leiðbeinanda frá SHS

Maður settur í spelku og á hryggbretti, við háls- og hryggáverka

Slökkvistútarnir prófaðir

Reykkafarar fylgjast með þróun brunans

Fyrsti hópur ræðst að eldinum og heldur honum í skefjum

Seinni hópur fylgist með, tilbúið að aðstoða og taka við slökkvistorfum

Hópurinn fær leiðbeiningar um reykköfun frá leiðbeinendum SHS

Reykkafarar ásamt aðstoðarmanni tilbúnir að fara inn

Farið yfir stjórnborð fyrir köfun

Myndir: Guðmundur St. Valdimarsson

SRS 06.12. 2007