Samstarfssamningur undirritaður milli Landhelgisgæslu Íslands og Tollstjóra
15. desember 2009
Georg Kr. Lárusson forstjóri Landhelgisgæslu Íslands og Snorri Olsen tollstjóri undirrituðu í dag samstarfssamning milli Tollstjóra og Landhelgisgæslu Íslands. Tilgangur samningsins er að efla og styrkja samstarf Tollstjóra og Landhelgisgæslu Íslands á ýmsum sviðum.
Samningurinn tekur meðal annars til miðlunar upplýsinga milli stofnananna, samnýtingar á tækjabúnaði, samstarfs á vettvangi og sameiginlegra eftirlitsverkefna, námskeiða og þjálfunar starfsmanna og starfsmannaskipta.
Í tollalögum númer 88/2005 kemur fram að Landhelgisgæslan skuli veita Tollstjóra upplýsingar um komu og brottför skipa í utanlandsferðum svo fljótt sem við verður komið. Þá getur Tollstjóri falið starfsmönnum Landhelgisgæslu að annast tollgæslu. Í lögum um Landhelgisgæslu Íslands númer 52/2006 kemur fram að Landhelgisgæslu sé heimilt að gera þjónustusamninga meðal annars um tolleftirlit.
Samningurinn tók gildi við undirritun.
Georg Kr. Lárusson forstjóri Landhelgisgæslunnar og Snorri Olsen tollstjóri
takast í hendur að lokinni undirritun
Standandi; Svanhildur Sverrisdóttir, starfsmannastjóri LHG, Halldór Nellet, framkvæmda-
stjóri aðgerðasviðs LHG, Sigurður Skúli Bergsson, aðstoðartollstjóri, Kári Gunnlaugsson yfirtollvörður tolleftirlitsdeildar, Þráinn Brynjólfsson yfirtollvörður greiningardeildar, Ársæll Ársælsson formaður Tollvarðafélagsins, Sólmundur
Már Jónsson, framkvæmdastjóri rekstrarsviðs LHG,
Sitjandi; Dagmar Sigurðardóttir, lögfræðingur LHG, Georg Kr. Lárusson,
forstjóri LHG, Bragi Olsen, tollstjóri og Karen Bragadóttir forstöðumaður tollasviðs.
Dagmar Sigurðardóttir, lögfræðingur LHG, Halldór Nellet, framkvæmdastjóri aðgerðasviðs LHG, Georg Kr. Lárusson, forstjóri LHG og Bragi Olsen, tollstjóri
Dagmar Sigurðardóttir, lögfræðingur LHG, Svanhildur Sverrisdóttir, starfsmannastjóri LHG og Karen Bragadóttir forstöðumaður tollasviðs Tollstjórans
Georg Kr. Lárusson, forstjóri LHG, Bragi Olsen, tollstjóri, Svanhildur Sverrisdóttir, starfsmannastjóri LHG og Sólmundur Már Jónsson, framkvæmdastjóri rekstrarsviðs LHG,