Æfing Ægis með þyrlubjörgunarþjónustunni í Færeyjum
Fimmtudagur 4. mars 2010
Nýverið æfði áhöfn varðskipsins Ægis sjóbjörgun með þyrlu Atlantic Airways OY-HSR, en þeir sjá um björgunarstörf sem unnin eru með þyrlum í Færeyjum. Áhöfn þyrlunnar ásamt stjórnendum frá Atlantic Airways komu um borð í Ægi fyrr um daginn skoðuðu skipið og kynntu sér aðstæður. Þá fengu gestirnir upplýsingar um hvernig staðið er að æfingum og hífingum með þyrlum Landhelgisgæslunnar.
Æfingin var skipulögð með Einari H. Valssyni, skipherra og fór hún fram síðar um daginn suður af Vaagö. Æfð var ein hífing á miðsíðu og tveir menn hífðir úr sjó með sigmanni. Þeim var svo skilað aftur á þyrlupallinn að æfingu lokinni sem tókst mjög vel.
I
MGP0336 Sigmaður OY-HSR á leið niður á miðsíðu Ægis
OY-HSR flýgur yfir öryggisbátinn Guðmundur R. Magnússon er við stjórn bátsins.
OY-HSR Hífir mann úr sjó.
IMGP0416 Sigmaðurinn að vinna í að ná manni úr sjó.
Mennirnir að koma upp í OY-HSR
IMGP0467 Mönnunum skilað niður á pallinn aftur
OY-HSR heldur til síns heima að æfingu lokinni.
Ægir heldur heim á leið að æfingu lokinni.
Myndir og myndtexti Guðmundur St. Valdimarsson bátsmaður.