Gögn frá eftirlitsflugvélinni TF-SIF sýna að virkni gosstrókanna hefur nokkuð breyst frá í morgun
Sunnudagur 21. mars 2010 kl. 23:10
Eftirlitsflugvélin TF-SIF lenti á Reykjavíkurflugvelli kl. 21:50 í kvöld eftir að hafa flogið í um klukkustund yfir gossvæðið á Fimmvörðuhálsi, milli Eyjafjallajökuls og Mýrdalsjökuls. Notuð var eftirlits- og leitarratsjá flugvélarinnar til að mæla hvort breytingar hafi orðið á yfirborði svæðisins frá flugi TF-Sifjar í morgun.
Að sögn jarðvísindamanna sem voru með í för hefur virkni gossins nokkuð breyst frá því í morgun en þá voru um 15 minni gosstrókar í sprungunni en nú er um er að ræða sex aðalstróka og fjóra minni sem virðast kraftmeiri. Sprungan hefur styst frá í því morgun og er um að ræða meiri kraft á minna svæði. Kvikustrókarnir rísa nú í allt að 100 - 150 m hæð. Hraunrennslið hefur verið í um 1 km til NA en óljóst með rennsli hrauns í NV.
Á meðfylgjandi myndum sem teknar voru úr ratsjá flugvélarinnar má sjá hraun sem rennur til norðausturs og fýkur úr strókunum til norðurs.
Hér má sjá mynd sem var tekin í flugi TF-Sifjar kl. 06:00 á sunnudagsmorgun.
Fleiri strókar á lengra svæði.
Hér má smá mynd sem var tekin kl. 20:55 og sýnir færri stróka sem rísa hærra.
Hér má sjá hraun sem rennur til austurs.
Úr strókunum fýkur til norðurs.
Varðskipið Týr er statt við Vestmannaeyjar og fylgdust þeir með flugi TF-Sifjar með AIS (Automatic information system) sem er í flugvélinni og sendu þetta kort sem sýnir flugleið TF-Sifjar. Smellið á kort til að stækka.
Halldór Nellet, framkvæmdastjóri Aðgerðasviðs með áhöfn TF-Sifjar þeim
Guðmundi Emil Sigurðssyni, yfirstýrimanni, Friðrik Höskuldssyni, yfirstýrimanni,
Hafsteini Heiðarssyni flugmanni og Benóný Ásgrímssyni flugstjóra.
Ragna Árnadóttir, dómsmálaráðherra kemur úr fluginu.
Magnús Tumi Guðmundsson, jarðeðlisfræðingur útskýrir eðli gossins fyrir
Rögnu Árnadóttur, dómsmálaráðherra, Georg Kr. Lárussyni, forstjóra
Landhelgisgæslunnar, Haraldi Johannessen ríkislögreglustjóra og
fréttakonu sem var með í för.
Georg fenginn í viðtal
Ragna Árnadóttir, dómsmálaráðherra, Georg Kr. Lárusson, forstjóri
Landhelgisgæslunnar og HaraldurJohannessen ríkislögreglustjóri ræða
við fréttamenn.