Formaður landsstjórnar Grænlands heimsækir björgunarmiðstöðina í Skógarhlíð
Þriðjudagur 12. september 2011
Kuupik Kleist, formaður landsstjórnar Grænlands, heimsótti í morgun björgunarmiðstöðina í Skógarhlíð og kynnti sér starfsemi viðbragðsaðila. Ásgrímur L. Ásgrímsson, starfandi framkvæmdastjóri aðgerðasviðs Landhelgisgæslunnar og yfirmaður stjórnstöðvar Landhelgisgæslunnar, Víðir Reynisson, deildarstjóri Almannavarnadeildar Ríkislögreglustjóra og Kristinn Ólafsson, framkvæmdastjóri Slysavarnarfélagsins Landsbjargar kynntu fyrir Kleist hlutverk og verkefni þeirra aðila sem koma að samhæfingarmiðstöðinni í Skógarhlíð. Einnig var gengið í gegnum vaktstofu 112, stjórnstöð Landhelgisgæslunnar og fjarskiptamiðstöð lögreglunnar.
Markmið heimsóknarinnar var að kynna fyrir formanni landsstjórnar Grænlands öflugt kerfi viðbragðsaðila hér á landi sem byggst hefur upp og þróast á undanförnum árum. Þá, reynslu sem fengist hefur með náttúruhamförum og áföllum síðastliðinna ára, mikilvægi áætlana og samhæfingar þeirra sem koma að málum. Einnig var komið inn á björgunarmálefni norðurslóða, leitar- og björgunarsvæði, samstarf Arctic Council og samhæfingu þjóða þegar kemur að óhöppum á norðurslóðum.
Kuupik Kleist, formaður landsstjórnar Grænlands heilsar Ásgrími L. Ásgrímssyni, starfandi framkvæmdastjóri aðgerðasviðs Landhelgisgæslunnar og yfirmanni stjórnstöðvar Landhelgisgæslunnar
Hjalti Sæmundsson, aðalvarðstjóri í stjórnstöð Landhelgisgæslunnar
útskýrir starfsemina sem þar fer fram
Kleist var mjög áhugasamur um fjölbreytt verkefni stjórnstöðvar
Landhelgisgæslunnar JRCC - Ísland.
Víðir Reynisson, deildarstjóri Almannavarnadeildar Ríkislögreglustjóra
fór yfir viðbragðskerfi 112.
Víðir Reynisson kynnti starfsemi samhæfingarstöðvar.
Ásgrímur L. Ásgrímsson, kynnti hlutverk og starfsemi Landhelgisgæslunnar
Kristinn Ólafsson, kynnti starfsemi Slysavarnarfélagsins Landsbjargar
Kuupik Kleist, formaður landsstjórnar Grænlands ásamt aðstoðarfólki sínu.