Skipin komu til Fáskrúðsfjarðar kl. 03:26
6. nóvember 2011
Togarinn Hoffell dró flutningaskipið Ölmu til hafnar á Fáskrúðsfirði í nótt og lögðust skipin að bryggju klukkan 3.26. Hafnsögubáturinn Vöttur frá Reyðarfirði var á Fáskrúðsfirði var þeim til aðstoðar.
Hér fyrir neðan má sjá tímalínu björgunaraðgerðarinnar sem er unnin upp úr stöðuskýrslu stjórnstöðvar Landhelgisgæslunnar.
Dráttarbáturinn Björn Lóðs ýtir Ölmu frá höfninni við Höfn í Hornafirði.
Landhelgisgæslunni barst aðstoðarbeiðni frá Birni Lóðs vegna flutningaskipsins Ölmu sem er með óvirkt stýri en vél og skrúfu í lagi. Landhelgisgæslan hefur samband
við Ingibjörgu, björgunarskip Slysavarnarfélagsins Landsbjargar á Hornafirði og togskipið Hoffell sem staðsett er um 6 sjómílur suðaustur af staðnum. Einnig haft samband við höfnina á Reyðarfirði um að fá dráttarbátinn Vött á staðinn og er Lóðs-
inn, dráttarbáturinn í Vestmannaeyjum settur í viðbragðsstöðu. Varðskipið Þór kallað út.
Úr stjórnstöð LHG
Haffell komið að Ölmu.
Dráttartaug komin milli Ölmu og Hoffells. Hoffell dregur flutningaskipið austur fyrir Stokksnes vegna suðvestanáttar á svæðinu. Þyrla Landhelgisgæslunnar, TF-LÍF,
staðsett á Höfn í Hornafirði og til aðstoðar ef á þarf að halda. Veður tekið að versna, vindur suðvestan 20 m/sek.
Dráttartaug slitnar milli Hoffells og Ölmu. Skipin eru þá stödd um 6 sjómílur austur af Stokknesi.
Vöttur frá Reyðarfirði snýr til baka vegna slæms veðurs.
Ákveðið að Gæslan komi manni yfir í Ölmu til að liðka fyrir samskiptum. Túlkur kemur til starfa í stjórnstöð.
Varðskipið Þór siglir frá Reykjavík.
Dráttartug komið milli Hoffells og Ölmu á ný.
Varðskipið Ægir heldur úr Reykjavíkurhöfn austur.
Þyrla Landhelgisgæslunnar, TF-LÍF, flytur stýrimann frá Landhelgisgæslunni um borð í flutningaskipið. Veður sunnan 20-25 hnútar, um 13 m/sek. og ölduhæð um 3 metrar, skyggni ágætt. TF-LÍF á Reyðarfirði.
Þyrla LHG flytur stýrimann um borð í Ölmu
Samband haft við Hoffell, sigling gengur þokkalega en eru að hugsa um að fara til Fáskrúðsfjarðar í stað Reyðarfjarðar, styttri sigling og öruggari í ljósi veðurspár.
Haft samband við Vött um að vera til aðstoðar.
Haft samband við skipherra á Ægi og þeim snúið til baka til Reykjavíkur.
Staðfest að Alma sé komin að bryggju á Fáskrúðsfirði.
Alma kallar í Hoffell og þakkar fyrir aðgerðina. Hofell þakkar Gæslunni fyrir hennar þátt.