Sprengjusveitin eyðir hættulegu efni fyrir Sorpu
Miðvikudagur 21. desember 2011
Eitt af verkefnum sprengjusveitar Landhelgisgæslunnar er að eyða efnum sem hætta getur stafað af. Landhelgisgæslunni barst nýverið aðstoðarbeiðni frá Sorpu vegna eyðingar á efni sem barst þeim í efnakari rannsóknarstofu, sem kemur reglulega til vinnslu hjá Sorpu. Um var að ræða Pikrik sýru (Picric Acid) og hafði ein flaska efnisins gefið sig og sýran kristallast í vatni.
Um var að ræða fimm flöskur sem voru í mismunandi ástandi. Gerðu sprengjusveitarmenn efnið öruggt hjá Sorpu og fluttu það síðan til eyðingar. Var þetta í þriðja skipti á árinu sem efni sömu tegundar hafa farið til eyðingar hjá sprengjusveit Landhelgisgæslunnar.
Pikri sýru (Picric Acid) er m.a. notað á rannsóknastofum en efnið er einnig sprengiefni og var m.a. notað í fallbyssukúlur í fyrri og seinni heimstyrjöldinni. Efnið fannst m.a. í fallbyssukúlum í flaki El Grillo á botni Seyðisfjarðar og varaði Landhelgisgæslan við að sprengiefnið verði sérstaklega viðkvæmt með aldri og geti slík kúla sprungið við tiltölulega lítið högg.
Myndir frá sprengjusveit LHG og