Sjórinn iðar af hval út af Vopnafirði - vísbending um loðnu
Mánudagur 30. janúar 2006Sýn, flugvél Landhelgisgæslunnar, fór í eftirlitsflug yfir austur- og norðausturmið í dag.
Er vélin var um 75 sjómílur austur af mynni Vopnafjarðar varð áhöfnin vör við að sjórinn
iðaði af hval á stóru svæði. Skiptust hvalirnir í tvo stóra hópa. Í fyrstu, er hvalirnir
birtust á ratsjá í um 5-10 sjómílna fjarlægð, taldi áhöfnin að um skip væri að ræða en svo
kom í ljós að þetta voru hvalir.
Það er vísbending um að loðna sé á svæðinu þegar svo margir hvalir sjást samankomnir.
Þessum upplýsingum var komið til rannsóknarskips Hafrannsóknastofnunar, Árna
Friðrikssonar, sem er við loðnuleit á Austfjarðamiðum.
Dagmar Sigurðardóttir
lögfræðingur/upplýsingaftr.