Hressir krakkar heimsækja varðskipið Ægi

Varðskipið Ægir fékk skemmtilega heimsókn á dögunum er hópur af hressum krökkum sem sækja sumarnámskeið á Sauðárkróki kíkti um borð. Varðskipið Ægir er sem stendur við bryggju á Sauðárkróki og er unnið við margvísleg viðhaldsstörf um borð. Tóku skipverjar á Ægi vel á móti krökkunum, sýndu þeim skipið vítt og breitt og sögðu þeim frá því helsta sem á daga þess hefur drifið. Hér má sjá mynd sem Guðmundur St. Valdimarsson bátsmaður tók af glaðbeittum hópnum að lokinni fróðlegri heimsókn. 

Krakkarnir voru eldhressir og afar fróðleiksfúsir