Fréttasafn

Æfingar eru einn af mikilvægustu þáttum í starfsemi Landhelgisgæslunnar og æfa áhafnir varðskipa, loftfara og aðrar einingar Landhelgisgæslunnar saman með reglubundum hætti til að vera sem best viðbúnar þegar á reynir. Ein slík fór fram í gær er varðskipið Þór og þyrlan TF-LIF æfðu saman.

Varðskipið Þór er nú á leið til hafnar með fiskiskipið Kristínu GK 457 sem varð vélarvana í gær um 44 sjómílur vestur af Látrabjargi. Þór sækist ferðin vel og er áætlað að varðskipið komi með Kristínu til hafnar í Reykjavík í kvöld. 

Varðskipið Þór er nú á leið að fiskiskipinu Kristínu GK 457 sem varð vélarvana um 44 sjómílur vestur af Látrabjargi.

Reynir Garðar Brynjarsson spilmaður og flugvirki hjá Landhelgisgæslunni flaug sitt síðasta flug í dag sem spilmaður og sjúkraflutningamaður í áhöfn þyrla Landhelgisgæslunnar eftir hvorki meira né minna en 15 ára farsælt starf í þyrluáhöfn.

Landhelgisgæslan nýtur mest trausts landsmanna en samkvæmt nýjum niðurstöðum Þjóðarpúls Gallup bera 92% landsmanna mikið traust til Landhelgisgæslunnar. Er það mesta traust sem hingað til hefur mælst til nokkurrar stofnunar í mælingum Gallup. Landhelgisgæslan er afar þakklát fyrir þetta mikla traust.

Stjórnstöð Landhelgisgæslunnar bárust nú síðdegis í dag nokkrar tilkynningar frá bæði skipum og bátum sem stödd voru annars vegar vestur af Sauðanesi og hins vegar norðaustur af Horni þess efnis að þau hefðu heyrt stafræn neyðarboð á metrabylgju.

Um þessar mundir er þeim tímamótum fagnað hjá Landhelgisgæslunni að 30 ár eru liðin síðan læknar urðu hluti af áhöfn björgunarþyrla Landhelgisgæslunnar. Ljóst er að samsetning áhafna um borð í þyrlunum hefur gert það að verkum að fjölda mannslífa hefur verið bjargað.

Landhelgisgæslan tók í dag þátt í setningu Mottumars. Með þátttöku sinni vildi Landhelgisgæslan með táknrænum hætti vekja athygli á þessu mikilvæga málefni, hvetja starfsmenn sína til árvekni um eigin heilsu og um leið heiðra minningu samstarfsfélaga sem látist hafa úr krabbameini.