Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.



Óðinn sendur til að aðstoða bát í vanda - 30.8.2018

Áhöfn varðbátsins Óðins var kölluð út á áttunda tímanum í morgun vegna báts sem varð olíulaus úti fyrir Akranesi. Óðinn lagði af stað með olíu til bátsins frá Reykjavík skömmu síðar. Þegar bátsverjar á Óðni voru komnir á staðinn kom í ljós að stýrisbúnaður bátsins væri laskaður. Áhafnir Óðins og björgunarskips Slysavarnafélagsins Landsbjargar, Ásgríms S. Björnssonar, fylgdu bátnum til hafnar á Akranesi 

TF-LIF sótti veikan farþega - 29.8.2018

Stjórnstöð Landhelgisgæslunnar barst í gær beiðni um að koma þyrfti veikum farþega skemmtiferðaskips undir læknishendur á Íslandi. Skipið var þá satt um 500 sjómílur suðvestur af Reykjanesi og var skipstjóri þess beðinn um að halda í átt að Íslandi þar sem skipið væri statt utan drægi þyrlna Landhelgisgæslunnar. Er þyrlan kom að skipinu var það statt um 150 sjómílur suðvestur af Íslandi.

Drengir léku sér með virka sprengjukúlu - 28.8.2018

Img_0050

Sprengjusérfræðingar Landhelgisgæslunnar voru kallaðir út í vikunni að beiðni Lögreglunnar á Austurlandi eftir að fjórir drengir á aldrinum 11-12 ára fundu virka sprengjukúlu. Drengirnir brugðust rétt við þegar þeir gerðu foreldrum sínum viðvart en þeir höfðu nokkru áður leikið sér með sprengjukúluna og kastað henni á milli sín. Mikil mildi þykir að hún hafi ekki sprungið í höndum drengjanna. Sprengjukúlan var gerð óvirk og henni eytt.

Æfðu reykköfun um borð í togara - 27.8.2018

40017352_484034478732835_6494665303799103488_n
Áhöfn varðskipsins Týs æfði reykköfun og slökkviliðsstörf um borð í Stefni ÍS-28 á dögunum. 

Æfingin tókst afar vel og er nauðsynleg svo unnt sé að bregðast við óvæntum atburðum um borð í skipum.

Leki kom að báti vestur af Straumnesi - 26.8.2018

Batarnir2

Stjórnstöð Landhelgisgæslunnar barst neyðarkall frá fiskibáti sem staddur var 28 sjómílur vestur af Straumnesi eftir að leki kom upp í vélarrúmi hans. Einn var um borð í bátnum og fylltist vélarrúmið hratt. Svo heppilega vildi til að bæði þyrla Landhelgisgæslunnar, TF-LIF, og varðskipið Týr voru stödd á nálægum slóðum þegar neyðarkallið barst.

 

TF-LIF í viðbragðsstöðu vegna flugvélar í vanda - 24.8.2018

TF-LIF, þyrla Landhelgisgæslunnar, var kölluð út á ellefta tímanum í morgun eftir að eins hreyfils bandarísk flugvél sendi frá sér neyðarkall vegna gangtruflana í hreyfli. TF-LIF var send áleiðis til Hafnar í Hornafirði, til að vera þar í viðbragðsstöðu. Vélin lenti heilu og höldnu í Færeyjum klukkan 11:19 að íslenskum tíma en þá var TF-LIF snúið við.

Þrír bátar í vandræðum - 22.8.2018

Batur-strandar-i-skagafirdi

Starfsmenn Landhelgisgæslunnar og björgunarsveitir landsins hafa haft í nógu að snúast í dag. Þyrla Landhelgisgæslunnar og björgunarsveitir frá Siglufirði, Skagaströnd og Sauðárkróki voru kallaðar út á þriðja tímanum í dag vegna báts sem strandað hafði í fjöru við Reykjadisk í Skagafirði. TF-LIF var send á staðinn. Þá voru björgunarsveitir sömuleiðis kallaðar út vegna báta sem orðið höfðu vélarvana úti fyrir Vestfjörðum.

Einn staðinn að ólöglegum veiðum - 21.8.2018

TF-SYN, þyrla landhelgisgæslunnar, fór í gæsluflug um Norðurland og Vestfirði laust eftir hádegi í gær. Þegar þyrlan flaug yfir Húnaflóa var bátur staðinn að ólöglegum handfæraveiðum í skyndilokunarsvæði í flóanum. Áhöfn þyrlunnar vísaði bátnum til hafnar þar sem lögreglan tók við rannsókn málsins. Skipstjórans bíður kæra.

Líf á Blómstrandi dögum - 20.8.2018

20180819_160718

Áhöfn þyrlu Landhelgisgæslunnar, TF-LIF, leit við á Blómstrandi dögum í Hveragerði í gær.