Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.



Sigurður Steinar látinn - 29.10.2019

Sigurdur-Steinar2

Sigurður Steinar Ketilsson, fyrrverandi skipherra, er látinn, 71 árs að aldri. Hann lést á Landspítalanum 27. október. Sigurður Steinar hóf störf hjá Landhelgisgæslunni sem háseti á varðbátnum Maríu Júlíu þann 13. apríl 1968.  Ferilinn var glæsilegur og spannaði hálfa öld.

Óðinn sinnti eftirliti í blíðskaparveðri - 22.10.2019

IMG_2828

Varðbáturinn Óðinn sinnti eftirliti skammt utan Reykjavíkur síðast liðinn föstudag í blíðskaparveðri. Báturinn nýtist sérlega vel við löggæslu og eftirlit á grunnslóð en verkefnin sem hann getur sinnt eru nánast óteljandi. Óðinn er í umsjá séraðgerða- og sprengjueyðingarsveitar Landhelgisgæslunnar. Að þessu sinni voru stýrimenn og háseti af varðskipinu Tý með í för og heppnaðist eftirlitið vel.

TF-SIF stuðlaði að björgun fjölda fólks - 21.10.2019

TF-SIF

TF-SIF, flugvél Landhelgisgæslunnar, er komin heim til Íslands eftir langt og strangt úthald á vegum Frontex, Landamærastofnunar Evrópu. Vélinni var flogið til Malaga á Spáni þann 30. júlí og hafa áhafnir Landhelgisgæslunnar skipst á að sinna eftirlitinu sem fram fer á Miðjarðarhafi. 

1200 kíló af rusli með TF-LIF - 17.10.2019

20191015_111424-01

Áhöfnin á TF-LIF aðstoðaði Bláa herinn í vikunni með því að sækja 17 troðfulla sekki af fjörurusli sem vaskur hópur hafði fyllt í nokkrum ferðum sínum við Húshólma í nágrenni Grindavíkur. Samtals var um 1200 kíló af rusli ferjað í ruslagám í fimm ferðum þyrlunnar.

Spengjueyðingarsveitin kölluð út - 12.10.2019

Kassi1

Sprengjueyðingarsveit Landhelgisgæslunnar var kölluð út að beiðni lögreglunnar á höfuðborgarsvæðinu vegna torkennilegs kassa sem fannst við Elliðavatn. Landeigandi við vatnið brást hárrétt við og tilkynnti málið til lögreglu en í fyrstu var talið að dínamít væri í kassanum enda gáfu merkingar hans til kynna að í honum væri sprengiefni að finna. Við nánari athugun kom í ljós að einungis var um steina að ræða en allur er varinn góður.

Fjórir fluttir á sjúkrahús með þyrlum Landhelgisgæslunnar - 12.10.2019

20191012_135640_resized

TF-EIR og TF-GRO, þyrlur Landhelgisgæslunnar, fluttu fjóra á Landspítalann í Fossvogi eftir alvarlegt umferðarslys nærri bænum Gröf á Snæfellsnesi. 

Breiðafjörður kortlagður - 11.10.2019

Baldur-vid-maelingar-vid-solaruppras

Sjómælingaskipið Baldur hefur frá því í vor verið við sjómælingar á Breiðafirði en mælingaúthaldinu lauk fyrir skemmstu. Frá árinu 2017 hefur verið unnið að dýptarmælingum vegna fyrirhugaðrar útgáfu á nýju sjókorti í Breiðafirði sem mun ná frá Brjánslæk að Elliðaey við Stykkishólm og nær það því meðal annars yfir stærstan hluta af siglingaleið Breiðafjarðarferjunnar. 

Bangsanum Blæ bjargað - 10.10.2019

GBA_03

Áhöfnin á TF-GRO, þyrlu Landhelgisgæslunnar, tók þátt í skemmtilegu samfélagsverkefni fyrr í dag þegar bangsanum Blæ var komið til bjargar og hann fluttur á leikskólann Laut í Grindavík. Barnaheill stendur fyrir vináttuverkefni þessa dagana þar sem bangsinn Blær er í aðalhlutverki en tilgangurinn er að kenna börnunum vináttu og virðingu.

Þyrlan kölluð út vegna báts í vanda á Bakkaflóa - 2.10.2019

Thyrluaefing-TF-EIR-VS-TYR-22-

Stjórnstöð Landhelgisgæslunnar barst beiðni um aðstoð klukkan 15:46 frá skipstjóra fimm tonna fiskibáts á Bakkaflóa eftir að leki kom að bátnum. Einn var um borð. Þyrla Landhelgisgæslunnar var þegar í stað kölluð út auk þess sem skip í grenndinni voru beðin um að halda á staðinn. Þá var björgunarskipið Sveinbjörn Sveinsson, á vegum Slysavarnafélagsins Landsbjargar, frá Vopnafirði kallað út sem og sjóbjörgunarsveitir á svæðinu.


Eyddu virkri handsprengju nálægt Ásbrú - 1.10.2019

Eftir-sprengingu

Séraðgerða- og sprengjueyðingarsveit Landhelgisgæslunnar eyddi virkri handsprengju sem fannst á svokölluðu Patterson svæði nálægt Ásbrú.