Áhöfn flugvélar Landhelgisgæslunnar átti stóran þátt í að grískum yfirvöldum tókst um helgina að handsama smyglara sem reyndu að koma 1,6 tonnum af kannabisefnum til Grikklands. Flugvélin, sem er í verkefnum í Miðjarðarhafi fyrir Frontex, tók þátt í leit að flóttafólki í dag.

Liðsmenn flugdeildar Landhelgisgæslunnar fóru nýverið til Aberdeen í Skotlandi til að gangast undir svonefnda HUET-þjálfun. Hún gengur út á að bjarga sér úr þyrlu sem lent hefur í vatni eða sjó. Allir í þyrluáhöfnum LHG verða að sækja þessa þjálfun með reglulegu millibili. 

Marta Sóley Helgadóttir kynnti sér störf Landhelgisgæslunnar á fyrirmyndardegi Vinnumálastofnunar. Hún heimsótti sjómælingabátinn Baldur, varðskipið Tý og skoðaði þyrlukostinn. 

Þyrla Landhelgisgæslunnar flaug um helgina með vísindamenn frá almannavarnadeild ríkislögreglustjóra og Veðurstofu Íslands yfir Öræfajökul og fleiri eldstöðvar til að kanna þar aðstæður. Óvissustig er í gildi vegna jökulsins. 

Þyrla Landhelgisgæslunnar og Lynx-þyrla danska sjóhersins flugu saman á laugardag. Danirnir skipta nú Lynx-þyrlunum út fyrir nýrri þyrlur af gerðinni Sikorsky Seahawk. 

Þyrla Landhelgisgæslunnar tók þátt í minningarathöfn um þá 1.545 sem látist hafa í umferðinni á Íslandi. Forseti Íslands þakkaði þeim sem sinna björgun og aðhlynningu þegar slys verða. 

Rafmögnuð spenna ríkti um borð í varðskipinu Tý á sunnudagskvöldið þegar áhöfnin efndi til bingós. Í síðastliðinni viku var skipsbjöllunni hringt í þágu friðar og baráttu gegn einelti. 

Landhelgisgæslan og lögreglan á Suðurlandi sinntu eftirliti með rjúpnaveiðum um helgina. Afskipti voru höfð af veiðimönnum innan þjóðgarðsins á Þingvöllum en að öðru leyti voru allir með sín mál í lagi. 

Áhöfnin á TF-GNA tók þátt í skemmtilegu verkefni með tónlistarmanninum Ásgeiri Trausta, RÚV og verkfræðistofunni VerkÍs fyrir helgi. Hylki með hljómplötu var varpað í hafið til þess að vekja athygli á mengun sjávar.