Konurnar hjá Landhelgisgæslunni tóku höndum saman í morgun og gerðu afar vel við karlkyns vinnufélaga sína í tilefni bóndadagsins og buðu til veglegar kökuveislu. Þetta mæltist mjög vel fyrir og sló svo sannarlega í gegn .Um samstilltar aðgerðir var að ræða sem fóru fram samtímis í Keflavík, Skógarhlíð og Reykjavíkurflugvelli. 

Guðmundur Ragnar Magnússon, stýrimaður og sigmaður hjá Landhelgisgæslunni, er maður ársins 2018 á Suðurnesjum að mati dómnefndar Víkurfrétta. Guðmundur fékk viðurkenninguna afhenta þegar hann fór í sitt fyrsta flug eftir að hafa rifbeinsbrotnað við björgunaraðgerðir flutningaskipsins Fjordvik í nóvember. Guðmundur Ragnar og áhöfn TF-GNA, þyrlu Landhelgisgæslunnar, bjargaði þá fimmtán við erfiðar aðstæður. 

Stjórnstöð Landhelgisgæslunnar barst beiðni um aðstoð frá fiskiskipinu Kristínu GK síðdegis í gær en skipið var þá vélarvana um 30 sjómílur vest-norðvestur af Garðskaga. Varðskipið Týr var þá úti fyrir Keflavík og hélt þegar í átt að fiskiskipinu. Áhöfn varðskipsins skaut línu yfir í skipið á tíunda tímanum í gærkvöldi og hélt að því búnu með það áleiðis til Hafnarfjarðar.

Utanríkisráðuneytið hefur falið Landhelgisgæslu Íslands að vinna deiliskipulag fyrir öryggissvæðið á Keflavíkurflugvelli. Í samræmi við 1. mgr. 40. gr. skipulagslaga er unnin lýsing fyrir deiliskipulagið.
Deiliskipulagið fjallar m.a. um afmörkun nýrra svæða fyrir hættulegan farm, svæði fyrir skammtíma gistiaðstöðu, efnisvinnslusvæði, gistisvæði, geymslusvæði og aðra landnotkun og starfsemi, svo sem þyrlupall og girðingar.

Georg Kr. Lárusson, forstjóri Landhelgisgæslunnar, og Jón Tryggvi Helgason, framkvæmdastjóri ÍSMAR, undirrituðu á dögunum samning um kaup Landhelgisgæslunnar á nýjum mælingabúnaði fyrir sjómælingaskipið Baldur.

Landhelgisgæslan fékk nýjan og glæsilegan léttbát fyrir varðskipið Tý afhentan í vikunni. Hann nefnist Flengur 850 og var smíðaður af Rafnari ehf. Flengur var hífður um borð í varðskipið Tý í gær og sómir sér afar vel um borð eins og sjá má.

Varðskipið Týr lagði frá bryggju í gær, sem er ekki í frásögur færandi  nema fyrir þær sakir að Eiríkur Bragason hélt í jómfrúarferð sína sem skipherra. Eiríkur leysir Einar H Valsson  af næstu daga og svo aftur síðar á árinu. Ferðin er auk þess merkileg því um er að ræða fyrstu jómfrúarferð skipherra hjá Landhelgisgæslunni í tólf ár.

Varðstjórar í stjórnstöð Landhelgisgæslunnar þurftu tvívegis að vara skipstjórnarmenn skipa við sem voru á veiðum nærri sæstrengjum um helgina. Landhelgisgæslan telur rétt að árétta að sjófarendur skuli sýna aðgæslu og gæta varúðar þar sem fjarskiptastrengir liggja í sjó.

Áhafnir varðskipanna Þórs og Hvidbjørnen héldu sameiginlega æfingu í Reykjavík á dögunum. Æfð var reykköfun og umönnun slasaðra. Áhafnir beggja skipa eru vel þjálfaðar og nýttu tækifærið þegar danska varðskipið var við bryggju í Reykjavík. Halldór Benóný Nellett, skipherra á Þór, segir að samstarf þjóðanna sé afar gott og Danir hafi reynst Landhelgisgæslunni vel í gegnum tíðina. Meðfylgjandi myndband sýnir frá þessari áhugaverðu æfingu.

Landhelgisgæslan setti varðskip, þyrlu og björgunarskip Slysavarnafélagsins Landsbjargar á Suðurnesjum í viðbragðsstöðu laust eftir hádegi í dag vegna gangtruflana í 9000 tonna gámaflutningaskipi. Skipið var þá statt úti fyrir Reykjanesskaga og var næst landi um fjórar sjómílur SSA af Reykjanestá.

Bráðveikur maður var sóttur með TF-SYN, þyrlu Landhelgisgæslunnar, í morgun. Vegna veðurskilyrða á Snæfellsnesi var ákveðið að sjúkrabíll færi til móts við þyrluna, vestan jökuls, vegna slæmra veðurskilyrða. Maðurinn var fluttur á Landspítalann í Fossvogi.

Stjórnstöð Landhelgisgæslunnar fékk tilkynningu frá fjarskiptamiðstöð ríkislögreglustjóra um að neyðarblys hefði sést úti fyrir Skerjafirði skömmu fyrir hádegi í gær. Enginn bátur var þá í ferilvöktun í firðinum en engu að síður var ákveðið að senda björgunarsveitir á vegum Slysavarnafélagsins Landsbjargar og Óðinn, eftirlitsbát Landhelgisgæslunnar, til leitar.  Á fjórða tímanum var leitinni hætt enda búið að ganga úr skugga um að engin neyð væri til staðar í firðinum.  

Starfsmenn Landhelgisgæslunnar eru vanari því að lesa úr sjókortum og útbúa þau en að leggja sér þau til munns. Einhvern tímann er allt fyrst og í morgun var sjókort af Akranesi borðað með bestu lyst á skrifstofu Landhelgisgæslunnar í Skógarhlíð. Tilefnið var ærið enda kom ný útgáfa af sjókortinu af Akranesi út rétt fyrir jólin og sömuleiðis var því fagnað að um þessar mundir er yfirfærslu síðasta sjókortsins yfir í nýjan hugbúnað að ljúka

Um miðjan nóvember var ráðist í umfangsmikla uppfærslu á flugleiðsögubúnaði TF-LIF, þyrlu Landhelgisgæslunnar, og var kanadíska fyrirtækið Heli One fengið til verksins.  Flugvirkjar hafa undanfarnar vikur unnið dag og nótt við breytinguna á vélinni sem er nú loksins tilbúin með nýjan fullkomnari flugleiðsögubúnað.

Landhelgisgæsla Íslands leitar að áhugasömum flugvirkja til að slást í samhentan hóp stofnunarinnar. Viðkomandi þarf að vera traustur, með ríka þjónustulund og geta tekist á við krefjandi verkefni. Umsóknarfrestur er til og með 21. janúar 2019.