Áhöfnin á varðskipinu Tý er nú við eftirlit á Íslandsmiðum. Æfingar skipa stóran sess í störfum áhafnarinnar og í gær fór fram reykköfunaræfing um borð í Sigurborgu gömlu sem liggur í Grundarfjarðarhöfn. Þá var sömuleiðis æft með hafnsögubáti Faxaflóahafna í síðustu viku við upphaf ferðarinnar.

Stjórnstöð Landhelgisgæslunnar barst neyðarkall frá áhöfn fiskiskips úti fyrir Norðurlandi á öðrum tímanum í dag vegna elds um borð. Þyrlusveit Landhelgisgæslunnar var þegar í stað kölluð. Að auki voru sjóbjörgunarsveitir á vegum Slysavarnafélagsins Landsbjargar á Norðurlandi kallaðar út en þær koma til með að flytja slökkviliðsmenn að fiskiskipinu. Jafnframt voru bátar í grenndinni beðnir um að halda á staðinn. 

Þyrlusveit Landhelgisgæslunnar var kölluð út á ellefta tímanum í kvöld vegna 160 tonna fiskiskips sem varð vélarvana suðaustur af Berufirði. Stjórnstöð Landhelgisgæslunnar barst tilkynning frá áhöfn fiskiskipsins sem var statt um 7 mílur frá landi. Þrír voru um borð og köstuðu þeir út akkeri þar sem álandsvindur var á svæðinu.

Í liðinni viku voru þrjú íslensk fiskiskip staðin að meintum ólöglegum veiðum innan lokaðra svæða í íslensku efnahagslögsögunni.

Árið hefur verið viðburðaríkt fyrir varnarmálasvið Landhelgisgæslu Íslands. Þrátt fyrir farsóttina hefur tekist að halda flestum forgangsverkefnum á sviði öryggis- og varnarmála gangandi og uppfylla þjóðréttarlegar skuldbindingar Íslands þegar kemur að öryggis- og varnarsamstarfinu. 

Georg Kr. Lárusson, forstjóri Landhelgisgæslunnar, og Halldór B. Nellett, skipherra á varðskipinu Þór, tóku við fyrstu eintökum nýrrar útgáfu af Útvegsspilinu úr hendi Kristjáns Þórs Júlíussonar, sjávarútvegsráðherra í dag.

Séraðgerða- og sprengjueyðingarsveit Landhelgisgæslunnar var kölluð út á sjötta tímanum í gær að beiðni lögreglunnar vegna sprengikúlu sem fannst við línuveg á Sandskeiði. 

Þyrlusveit Landhelgisgæslunnar var kölluð út á þriðja tímanum nótt til að sækja veikan skipverja af fiskiskipi. Skipið var þá statt norður af Melrakkasléttu. 

Varðskipið Þór var tignarlegt í síðdegissólinni þegar það lá fyrir föstu við Seley í minni Reyðarfjarðar. Þorgeir Baldursson, ljósmyndari, náði þessari skemmtilegu mynd af varðskipinu á föstudag. 

Landið og miðin voru í einstaklega góðum málum á dögunum þegar konur voru í fyrsta sinn í meirihluta í stjórnstöð Landhelgisgæslunnar í Skógarhlíð. Hallbjörg Erla Fjeldsted og Sigurrós Halldórsdóttir, varðstjórar í stjórnstöðinni, stýrðu skútunni í Skógarhlíð af mikilli festu og sáu til þess að sjómenn og aðrir voru í öruggum höndum.

Þrátt fyrir að áhöfnin á sjómælingaskipinu Baldri sé að stærstum hluta bundin við sjómælingar að sumri og hausti kemur það fyrir að áhöfnin sinni útköllum á sviði leitar og björgunar. Erlent par var á dögunum sótt í Veiðileysufjörð á Vestfjörðum. 

Enginn dagur er eins á varðskipum Landhelgisgæslunnar. Dagarnir eru áhugaverðir, krefjandi og oft á tíðum ansi viðburðaríkir. Fannar Freyr Sveinsson, háseti á varðskipinu Tý, var með myndavélina á lofti á dögunum og tók þessar skemmtilegu myndir sem gefa innsýn inn í störfin og andrúmsloftið um borð.

Áhöfnin á varðskipinu Þór lagði í síðustu viku af stað í árlegan vitatúr í samstarfi við Vegagerðina. Sú hefð hefur skapast að árlega siglir varðskip meðfram ströndum landsins vegna eftirlits með ljósvitum og skerjavitum sem ekki er hægt að komast í með góðu móti frá landi. 

Flugmenn Landhelgisgæslunnar þurfa reglulega að gangast undir ýmiskonar þjálfun og hluti af henni er þjálfun í sérstökum flughermi í Frakklandi. Slíkt er nauðsynlegt til að uppfylla strangar flugöryggiskröfur. Hver flugmaður þarf að lágmarki að fljúga 200 heildarflugstundir á ári, 180 í þyrlu og um 20 í flughermi.

Northern Challenge, árleg æfing sprengjusérfræðinga, hófst á öryggissvæðinu á Keflavíkurflugvelli um helgina og stendur fram í næstu viku. Um er að ræða alþjóðlega æfingu Atlantshafsbandalagsins sem Landhelgisgæslan hefur veg og vanda af. Vegna kórónuveirufaraldursins er æfingin smærri í sniðum að þessu sinni og fer að öllu leyti fram innan öryggissvæðisins á Keflavíkurflugvelli. 

Þyrlusveit Landhelgisgæslunnar og björgunarsveitir björguðu manni sem festist í leðju í Sandá í gærkvöld. Hann var fluttur með þyrlu Landhelgisgæslunnar á sjúkrahús í Reykjavík.