Fréttayfirlit: 2020 (Síða 4)
Samstarf Landhelgisgæslunnar og Air Greenland
Í vikunni kom hingað til lands Airbus H225 þyrla Air Greenland sem var í ferjuflugi frá Póllandi til Grænlands. Áhöfnin hafði viðkomu hér á landi og var þyrlan geymd við flugskýli Landhelgisgæslunnar.
Æft með nætursjónaukum
Á þessum árstíma er algengt að sjá þyrlu Landhelgisgæslunnar á sveimi seint að kvöldi því þegar hausta tekur hefst endurþjálfun þyrlusveitar með nætursjónaukum.
Þyrlusveit Landhelgisgæslunnar sinnti þremur þyrluútköllum um helgina
Alls voru sjö flutt á Landspítalann í Fossvogi með TF-GRO og TF-EIR, þyrlum Landhelgisgæslunnar, í kjölfar umferðarslyss við Skeiðarársand í kvöld. Fjórir voru fluttir með TF-EIR og þrír með TF-GRO.
Tvö útköll vegna slasaðs göngufólks
Þyrlusveit Landhelgisgæslunnar sinnti tveimur útköllum í dag vegna slasaðs göngufólks. Annars vegar á Snæfelli, norðan Vatnajökuls, og hins vegar á Fimmvörðuhálsi.
Öllum bátum tjaldað til og skipt um öldumælisdufl
Áhöfnin á varðskipinu Tý skipti um öldumælisdufl austur af Surtsey á dögunum. Þá var haldin bátaæfing í blíðviðrinu þar sem öllu var tjaldað til.
Hafsteinn lýkur glæsilegum ferli
Hafsteinn Heiðarsson, flugstjóri hjá Landhelgisgæslunni, lauk glæsilegum ferli þegar hann lenti TF-SIF í síðasta sinn á Reykjavíkurflugvelli í dag. Hann hefur starfað sem flugmaður hjá Landhelgisgæslunni í rúma þrjá áratugi en áður var hann flugmaður hjá Landgræðslu Íslands.
Æft með franskri freigátu í Eyjafirði
Áhöfnin á TF-GRO hélt sameiginlega æfingu með frönsku freigátunni Beautemps-Beaupré á dögunum. Æfingin fór fram í Eyjafirði og þegar TF-GRO kom á svæðið hófust hífingar. Þær fóru fram á afturdekki skipsins og gengu eins og í sögu.
Áhöfn þyrlu Landhelgisgæslunnar sótti veikan skipverja
Á öðrum tímanum í dag barst stjórnstöð Landhelgisgæslunnar beiðni um aðstoð frá skipverja sem staddur var úti fyrir ströndum og var með verk fyrir hjarta. Hann var einn um borð í fiskibát og sigldi í átt að Norðurfirði. Þyrlusveit Landhelgisgæslunnar var þegar í stað kölluð út sem og björgunarsveitarmenn frá Slysavarnafélaginu Landsbjörg sem sigldu á móti honum og fylgdu í land. Áhöfnin á TF-GRO tók á móti manninum í Norðurfirði og kom honum undir læknishendur í Reykjavík.
Eftirlitsflug að Grímsvötnum
Áhöfnin á TF-GRO, þyrlu Landhelgisgæslunnar, fór í eftirlitsflug í gær með sérfræðinga almannavarnadeildar ríkislögreglustjóra og Veðurstofu Íslands að Grímsvötnum. Meðal annars voru gerðar gasmælingar við Grímsvötn ásamt því sem ástand mælitækja á staðnum var kannað. Þá var vefmyndavél uppfærð á Grímsfjalli.
Bjargað úr sjálfheldu
Áhöfnin á TF-EIR, þyrlu Landhelgisgæslunnar, bjargaði manni úr sjálfheldu á Hólmatindi við Eskifjörð laust eftir klukkan átta í kvöld. Björgunarsveitir á vegum Slysavarnafélagsins Landsbjargar og þyrlusveit Landhelgisgæslunnar voru kallaðar út vegna málsins.
Týr sinnti eftirliti innan og utan lögsögunnar
Varðskipið Týr lagðist að bryggju í Reykjavík í morgun eftir rúmlega tveggja vikna úthald. Ferðin hófst á Seyðisfirði og víða var komið við en alls sigldi skipið rúmar 1500 sjómílur. Áhöfnin á Tý sinnti eftirliti í Síldarsmugunni auk hefðbundinni löggæslustarfa innan íslensku efnahagslögsögunnar. Farið var í eftirlitsferðir um borð í sex íslensk skip innan og utan lögsögunnar auk þess sem áhöfnin þurfti að hafa afskipti af jafnmörgum skipum vegna ýmiskonar mála.
Áhöfnin á TF-SIF kom auga á bát með tæpt tonn af fíkniefnum
Spænska lögreglan, Guardia Civil, í samvinnu við Landhelgisgæslu Íslands handtók fjóra og gerði 963 kíló af hassi upptæk á dögunum. Áhöfnin á TF-SIF, eftirlitsflugvél Landhelgisgæslunnar, var við landamæraeftirlit á vestanverðu Miðjarðarhafi þegar hún kom auga á hraðbát með torkennilegan varning um borð.
Þyrla Landhelgisgæslunnar kölluð út vegna vélarvana báts við Ingólfsgrunn
Áhöfnin á TF-GRO, þyrlu Landhelgisgæslunnar, var kölluð út á þriðja tímanum í dag vegna vélarvana strandveiðibáts sem rak að skeri við Ingólfsgrunn á Húnaflóa. Strandveiðibátur í grenndinni kom til aðstoðar.
Varðskipið Týr við eftirlit í Síldarsmugunni
Varðskipið Týr hefur undanfarna daga verið við eftirlit í Síldarsmugunni en þangað hélt áhöfn Týs á fimmtudaginn. Þegar mest var voru fjórtán íslensk uppsjávarskip á svæðinu í byrjun síðustu viku en í morgun voru þau orðin sjö.
Olíumengun frá El Grillo
16. júlí sl. köfuðu kafarar á vegum Landhelgisgæslu Íslands niður að flaki El Grillo sem liggur á botni Seyðisfjarðar, eftir að vart varð við olíumengun frá skipinu. Í ljós kom að aðgerðir sem farið var í til að hefta olíuleka úr einum af tönkum skipsins í vor halda og er enginn leki sjáanlegur frá þeim tanki.
Rússneskar herflugvélar á íslenska loftrýmiseftirlitssvæðinu
Í fyrrinótt komu óþekktar flugvélar inni í loftrýmiseftirlitssvæði Atlantshafsbandalagsins hér við land sem hvorki höfðu tilkynnt sig til flugumferðarstjórnar né voru með ratsjársvara í gangi. Í samræmi við vinnureglur Atlantshafsbandalagsins flugu orrustuþotur ítalska flughersins, sem eru hér á landi við loftrýmisgæslu, til móts við vélarnar frá Keflavíkurflugvelli.