Fréttayfirlit: 2020 (Síða 5)
Þór tignarlegur með breskum freigátum
Í upphafi vikunnar sigldi varðskipið Þór með bresku freigátunum HMS Westminister og HMS Kent sem voru á leið til kafbátaeftirlitsæfingarinnar Dynamic Mongoose sem haldin var hér við land í vikunni.
TF-GNA kemur í þjónustu Landhelgisgæslunnar um áramót
Í Stavanger í Noregi eru starfsmenn Heli-One í óðaönn að gera nýjustu þyrluna í flota Landhelgisgæslunnar tilbúna til notkunar. Vélin er af gerðinni Airbus H225, líkt og hinar tvær leiguþyrlur Landhelgisgæslunnar.
Jón Páll sjötugur
Jón Páll Ásgeirsson, stýrimaður hjá Landhelgisgæslunni, fagnar sjötugsafmæli í dag. Þar með lýkur afar farsælum ferli Jóns Páls hjá Landhelgisgæslunni en hann hefur starfað hjá stofnuninni í alls 35 ár og verið tengdur sjómennsku í hálfa öld. Landhelgisgæslan óskar Jóni Páli innilega til hamingju með stórafmælið og þakkar honum kærlega fyrir vel unnin störf í þágu Gæslunnar.
Björgunarþyrla danska flughersins kölluð út að Langanesi
Leitar og björgunarþyrla danska flughersins var kölluð út auk björgunarskipsins Gunnbjargar frá Raufarhöfn vegna 18 tonna línubáts sem varð vélarvana 3,5 sjómílur norður af Langanesi í dag. Stjórnstöð Landhelgisgæslunnar fékk boð um vanda bátsins laust eftir klukkan 13:00. Línubáturinn var dreginn til Raufarhafnar.
Þyrla Landhelgisgæslunnar og sjóbjörgunarsveitir kallaðar út vegna báts í vanda
Þyrla Landhelgisgæslunnar og sjóbjörgunarsveitir á vegum Slysavarnafélagsins Landsbjargar í Eyjafirði voru kallaðar út á tólfta tímanum í dag vegna fimm tonna fiskibáts sem varð vélarvana vestur af Hrólfsskeri og rak hratt að bjargi.
Leitar og björgunarþyrla Dana til taks á Íslandi
Í vikunni kom hingað til lands leitar og björgunarþyrla frá danska flughernum ásamt 13 manna starfsliði. Ástæða komu dönsku björgunarþyrlunnar er til að auka björgunargetu úr lofti, á og við Ísland, næstu daga.
Dómsmálaráðherra í heimsókn á æfingu
Áslaug Arna Sigurbjörnsdóttir, dómsmálaráðherra, slóst í för með þyrlusveit Landhelgisgæslunnar, áhöfninni á varðskipinu Þór og Georg Kr. Lárussyni, forstjóra LHG, á fimmtudag þegar haldin var sjóbjörgunaræfing á Breiðafirði.
Rækileg yfirferð dýptarmælinga
Á fyrrihluta ársins 2020 voru nýjar útgáfur af sjö sjókortum gefnar út. Meðal þeirra eru þrjú sjókort sem ná m.a. yfir suðurhluta Breiðafjarðar.
Fyrsta skútan komin til landsins eftir að landamæraskimun hófst
Fyrsta erlenda skútan sem kemur til landsins eftir að landamæraskimun hófst í vikunni lagðist að bryggju í Vestmannaeyjum í dag. Skútan kom upp í kerfum Landhelgisgæslunnar í morgun en þá höfðu skipverjarnir um borð ekki sent upplýsingar um sig til Landhelgisgæslunnar eins og kveðið er á um. Varðstjórar stjórnstöðvar náðu fjarskiptasambandi við skútuna eftir nokkrar tilraunir.
Áhöfnin á TF-EIR fann mann sem leitað var að í Skálavík
Hitamyndavélin um borð í TF-EIR, þyrlu Landhelgisgæslunnar, skipti sköpum þegar áhöfn þyrlunnar fann göngumann í sjálfheldu í Kroppstaðahorni í Skálavík í morgun. Björgunarsveitir, lögregla, áhöfnin á varðskipinu Þór auk þyrlusveitarinnar höfðu leitað mannsins frá því í gærkvöld þegar hann fannst með myndavélinni. Erfitt reyndist að sjá manninn með berum augum.
Góð sjósókn á þjóðhátíðardaginn og fljótandi 15 metra trjádrumbur
Margir vörðu þjóðhátíðardeginum á sjó miðað við tölur úr kerfum stjórnstöðvar Landhelgisgæslunnar. Í hádeginu í gær voru 822 skip og bátar á sjó. Hjá áhöfninni á varðskipinu Þór bar það helst til tíðinda að 15 metra trjádrumbur var hífður um borð í Breiðafirði.
Gæsluflug um Vestfirði
Áhöfnin á TF-SIF, eftirlitsflugvél Landhelgisgæslunnar, fór í eftirlitsflug um Vestfirði fyrr í dag. Flugvélin nýtist einstaklega vel til að hafa eftirlit með lögsögunni enda kemst hún hratt yfir stórt svæði á skömmum tíma.
Grillveisla á höfninni
Óvenju fjölmennt var um borð í varðskipinu Þór við Miðbakka í hádeginu. Ástæðan er sú að þar var haldið sumargrill Landhelgisgæslunnar á bryggjunni. Til að fagna sumrinu og langþráðum sumarfríum komu starfsmenn Gæslunnar saman á höfninni og borðuðu um borð í varðskipinu.
Æft með Gísla Jóns
Áhafnir þyrla Landhelgisgæslunnar og björgunarskipa Slysavarnafélagsins Landsbjargar halda reglulegar sameiginlegar æfingar. Á miðvikudag fór slík æfing fram þegar áhöfnin á Gísla Jóns og áhöfnin á TF-GRO æfðu í einstöku veðri á Vestfjörðum.
Baldur við mælingar á Breiðafirði
Sjómælingaskipið Baldur hefur að undanförnu verið við mælingar á Breiðafirði. Þessar myndir glæsilegu loftmyndir voru teknar af skipinu í blíðskaparveðri á dögunum.
Fjögur rafhlaupahjól í flotann
Fjögur ný farartæki bættust í flota Landhelgisgæslunnar í dag þegar skrifað var undir leigusamning á fjórum rafhlaupahjólum.