Flugmenn Landhelgisgæslunnar þurfa reglulega að gangast undir ýmiskonar þjálfun. Hluti af henni er þjálfun í sérstökum flughermi í Frakklandi. Slíkt er nauðsynlegt til að uppfylla strangar flugöryggiskröfur. Hver flugmaður þarf að lágmarki að fljúga 200 heildarflugstundir á ári, 180 í þyrlu og um 20 í flughermi til að viðhalda hæfni sinni til að sinna leitar- og björgunarflugi.

Sóknarnefnd Miðgarðakirkju hafði samband við Landhelgisgæsluna fyrr á árinu og vildi kanna hvort mögulegt væri að flytja byggingarefni með varðskipinu Þór frá Reykjavík vegna framkvæmda á nýrri kirkju í Grímsey í stað þeirrar sem brann fyrir tæpu ári.

Þyrlusveit Landhelgisgæslunnar sinnti þremur útköllum um helgina. Á föstudagskvöld voru erlendir ferðamenn sóttir í Gæsavatnsskála norðan Vatnajökuls. Annar ferðamannanna hafði fallið í á og var orðinn blautur og hrakinn. Læknirinn í áhöfn þyrlunnar tók annan ferðamanninn á hestbak og bar hann um borð í þyrluna. Ferðamennirnir voru fluttir til Reykjavíkur.

Mikil áhersla hefur verið lögð á umhverfismál innan Landhelgisgæslu Íslands á undanförnum árum. Einn liður í þeirri vegferð var uppsetning veglegra rafhleðslustöðva á öryggissvæðinu á Keflavíkurflugvelli.

Hin fornfræga TF-LIF yfirgaf Reykjavíkurflugvöll í síðasta sinn á dögunum. Þyrlan hefur ekki verið í rekstri Landhelgisgæslunnar frá árinu 2020 en á undanförnum árum hefur þyrlufloti stofnunarinnar verið endurnýjaður með nýrri gerð þyrlna.

Georg Kr. Lárusson, forstjóri Landhelgisgæslu Íslands, tók á móti Michael M. Gilday, æðsta embættismanni bandaríska flotans, í Skógarhlíð í gær. Gildey kynnti sér starfsemi Landhelgisgæslunnar og heimsótti meðal annars stjórnstöð Gæslunnar og flugdeild. Þá fór hann í æfingar og eftirlitsflug með þyrlusveit stofnunarinnar. 

Sjómannadagurinn var haldinn hátíðlegur um allt land í dag. Fjölmenni lagði leið sína í miðborg Reykjavíkur þar sem gestum bauðst að sigla með varðskipinu Þór. Venju samkvæmt sýndi þyrlusveitin hvernig björgun úr sjó er framkvæmd í Reykjavíkurhöfn, Hafnarfjarðarhöfn og í höfninni á Akranesi.

Mikil eftirvænting ríkti við flugskýli Landhelgisgæslunnar í morgun þegar fyrsta sperra nýs flugskýlis var reist. Framkvæmdir við flugskýlið hófust fyrr í vetur.

Í lok síðasta mánaðar vann áhöfnin á varðskipinu Freyju ásamt köfurum Landhelgisgæslunnar að því að stöðva leka sem kominn var úr tveimur opum á tönkum olíuskipsins El Grillo. Steypt var í tankana en ekki var um sömu op að ræða og steypt var í fyrir um tveimur árum.

Nokkuð var um annir hjá Landhelgisgæslunni um hvítasunnuhelgina. Þyrlusveit stofnunarinnar var til að mynda kölluð fimm sinnum út.

Allar þyrluáhafnir Landhelgisgæslunnar verða að gangast með reglulegu millibili undir svokallaða HUET-þjálfun og á það jafnt við um flugmenn, sigmenn, spilmenn og lækna. Markmiðið er að allir um borð séu undir það búnir að geta komist úr þyrlu sem þarf að lenda í sjó eða á vatni.

Yfirmenn norsku strandgæslunnar heimsóttu Landhelgisgæsluna á dögunum og kynntu sér starfsemi, verkefni og tækjakost stofnunarinnar.

Áhöfnin á TF-GRO, þyrlu Landhelgisgæslunnar, var kölluð út um hádegisbil í dag vegna franskrar ferðakonu sem féll fram af klettabrún á Heimaey. Konan féll um 15 metra og valt þar að auki aðra 15-20 metra niður snarbratta hlíð. 

Loftrýmisgæsla ítalska flughersins hér á landi hefur staðið yfir undanfarinn mánuð. Um þessar mundir fara fram áhafnaskipti flughersins og því gera ráð fyrir aðflugsæfingum að varaflugvöllunum á Akureyri og Egilsstöðum á tímabilinu 26. til 31. maí.

Eyþór Óskarsson stýrimaður og varðstjóri hjá Landhelgisgæslunni hefur undanfarin fjögur ár stundað nám í Stjórnun (e. Management) við US Coast Guard Academy. US Coast Guard Academy er háskóli og sjóliðsforingjaskóli bandarísku strandgæslunnar sem útskrifar verðandi stjórnendur stofnunarinnar með háskólapróf á hinum ýmsu sviðum og er staðsettur í New London í Connecticut fylki.

Á dögunum var þyrlusveit Landhelgisgæslunnar kölluð út til að annast sjúkraflug frá Vestmannaeyjum. Þoka olli því að ekki reyndist unnt að lenda á flugvellinum og ákvað áhöfn þyrlunnar að lenda á bílastæði á Hamrinum.