Fréttasafn

Áhöfn flutningaskips sem var á leið frá landinu tilkynnti varðskipinu Þór um rekald á sjó vestan við Sandgerði í vikunni. Áhöfn varðskipsins brást hratt og örugglega við beiðninni og fjarlægði rekaldið úr sjónum. Þarna var á ferðinni plaströr með járni á endunum sem hefði geta reynst smærri skipum hættulegt.

Áhöfnin á TF-LIF, þyrlu Landhelgisgæslunnar, varðstjórar í stjórnstöð Landhelgisgæslunnar, skipverjar á varðskipinu Tý og áhöfn Sifjar, flugvélar Landhelgisgæslunnar, hafa haft í nógu að snúast undanfarna tvo sólarhringa.

Fjórtán voru fluttir slasaðir með loftförum Landhelgisgæslunnar á sjúkrahús í Reykjavík og Akureyri eftir rútuslys sem varð við Hof í Öræfum.

Stjórnstöð Landhelgisgæslunnar barst á tólfta tímanum í dag beiðni um aðstoð frá fiskibát sem fékk veiðarfæri í skrúfuna úti fyrir Vatnsleysuströnd. Áhöfnin á varðskipinu Tý, sem var við æfingar skammt frá, brást hratt við beiðninni og fór til aðstoðar á léttbátnum Fleng sem dró bátinn til hafnar. Tveir voru um borð í fiskibátnum en þeim varð ekki meint af. 

Strandveiðar hófust í vikunni og eins og alltaf skiptir öllu máli að huga að örygginu. Samgöngustofa og Siglingaráð hafa útbúið stórgóðan gátlista með öllu því helsta sem vert er að hafa í huga til að stuðla að öryggi sjófarenda og auka líkur á ánægjulegri sjóferð. Listann má finna í hlekknum hér að neðan. Góða ferð!

Landhelgisgæslan hefur fengið mannlausan dróna til notkunar sem gerður er út frá Egilsstaðaflugvelli. Um er að ræða samstarfsverkefni EMSA, Siglingaöryggisstofnunar Evrópu, og Landhelgisgæslunnar en loftfarið verður hér á landi í þrjá mánuði. Á tímabilinu verður dróninn prófaður við löggæslu, leit- og björgun og mengunareftirlit á hafinu umhverfis Ísland.