Fréttasafn

P-8 leitarflugvél konunglega breska flughersins sem ber heitið Spirit of Reykjavík lenti á Keflavíkurflugvelli á dögunum. Starfsmenn Landhelgisgæslunnar á öryggissvæðinu á Keflavíkurflugvelli tóku vel á móti áhöfn vélarinnar sem æfði meðal annars með bandaríska sjóhernum auk þess sem hún fundaði með fulltrúum Landhelgisgæslunnar.

Guðni Th. Jóhannesson, forseti Íslands, var um borð í varðskipinu Freyju sem kallað var út vegna togarans Hrafns Sveinbjarnarsonar sem varð aflvana út af Straumnesi. Til stóð að forsetinn og áhöfn varðskipsins yrðu viðstödd minningarathöfn vegna krapaflóðanna sem féllu á Patreksfjörð fyrir fjörutíu árum en þurftu að halda í útkallið áður en þangað var komið.

Landhelgisgæslan vekur athygli á að nú er stækkandi straumur með nýju tungli á morgun, laugardag, og verður stórstreymt á mánudaginn.

Loftrýmisgæsla Atlantshafsbandalagsins við Ísland er að hefjast með komu flugsveitar norska flughersins. Þetta er í sjöunda sinn sem Norðmenn leggja Atlantshafsbandalaginu til flugsveit til að taka þátt í verkefninu á Íslandi en norski flugherinn var síðast hér á landi árið 2021.

Í janúar hafa verið góðar aðstæður til æfinga fyrir þyrlusveit Landhelgisgæslunnar.
Hér má sjá Andra Jóhannesson, flugmann, og Daða Örn Heimisson, flugvirkja og spilmann, að störfum um borð í TF-GNA, þyrlu Landhelgisgæslunnar.

Stjórnstöð Landhelgisgæslunnar fékk tilkynningu um aflvana flutningaskip á fimmta tímanum í morgun. Áhöfnin á varðskipinu Þór og sjóbjörgunarsveitir á vegum Slysavarnafélagsins Landsbjargar voru þegar í stað kallaðar út auk þyrlusveitar Landhelgisgæslunnar. Sömuleiðis voru nálæg skip beðin um að halda á staðinn til aðstoðar sem og dráttarbáturinn Magni úr Reykjavík. 

Alls voru tíu fluttir með loftförum Landhelgisgæslunnar vegna tveggja umferðarslysa í dag.Tvær þyrlur Landhelgisgæslunnar voru kallaðar út á þriðja tímanum vegna umferðarslyss sem varð á Suðurlandsvegi við Öldulón. 

Flugdeild Landhelgisgæslunnar sinnti 299 útköllum árið 2022 og hafa þau aldrei verið fleiri. Af útköllunum 299 voru 156 þeirra vegna sjúkraflutninga og 115 vegna leitar eða björgunar. Um þriðjungur útkallanna voru farin á sjó sem er aukning frá fyrra ári.