Fréttasafn

Þyrlusveit Landhelgisgæslunnar var kölluð út á níunda tímanum í kvöld þegar skipverji á íslensku loðnuveiðiskipi féll fyrir borð út af Sandvík á Reykjanesi. Maðurinn var flutttur með þyrlu til Reykjavíkur.

Þyrlusveit Landhelgisgæslunnar var tvívegis kölluð út í gær vegna veikinda á Vesturlandi og slyss á Norðurlandi.

Skipstjóri grænlensks fiskiskips sem var á veiðum djúpt vestur af Ísafjarðardjúpi hafði samband við stjórnstöð Landhelgisgæslunnar í morgun og óskaði eftir aðstoð vegna veikinda eins skipverjans um borð. Varðskipið Þór var í grenndinni og hélt þegar á staðinn. Sjúkraflutningamenn úr áhöfn Þórs fóru frá varðskipinu á léttbát og sóttu sjúklinginn um borð í fiskiskipið. 

Á sjötta tímanum í gær hafði skipstjóri á íslensku fiskiskipi samband við Landhelgisgæsluna og óskaði eftir aðstoð í kjölfar þess að snurpuvír hafði slitnað og einn um borð slasast. Áhöfnin á TF-GRO, þyrlu Landhelgisgæslunnar, var þegar í stað kölluð út en fiskiskipið var statt um 25 sjómílur norðvestur af Kópanesi.

Undanfarnar vikur hefur portúgalski flugherinn annast loftrýmisgæslu Atlantshafsbandalagsins hér á landi. Loftrýmisgæslan er nú hálfnuð og um þessar mundir fara áhafnaskipti flugsveitarinnar fram. 

Landhelgisgæslan nýtur mests trausts almennings samkvæmt niðurstöðum þjóðarpúls Gallup sem birtust í dag. 87% þjóðarinnar ber mikið traust til Landhelgisgæslunnar. 

Stjórnstöð Landhelgisgæslunnar barst neyðarkall frá erlendu flutningaskipi á sjöunda tímanum í gærmorgun sem var á leið frá Sandgerði til Evrópu en töluverður leki var kominn að skipinu. Betur fór en á horfðist.